२३ मंसिर २०७९, शुक्रबार

अपडेट : उत्तरप्रदेशमा भारतीय सहित सात नेपालीको मृत्यु (फोटोहरु सहित)

  प्रकाशित मिति
२३ भाद्र २०७४, शुक्रबार १२:०२


भारतको उत्तरप्रदेशमा भएको सडक दुर्घटनामा सात जना नेपालीको मृत्यु भएको खबर प्राप्त भएको छ । दुर्घटनामा चार पुरुष, एक महिला र दुई बच्चाको मृत्यु भएको पुरन्दपुर थानाका इन्चार्ज सव इन्सपेक्टर ग्रिजेश उपाध्यायले जानकारी दिए ।

महाराजगन्ज पुरन्दपुर, गोरखपुर रोडमा ट्याङ्कर र कार एकआपसमा ठोकिँदा ७ जनाको ज्यान गएको हो ।उनीहरुको सनाखत भएको छैन । दुर्घटनामा सीमावर्ती भारतीय बजारसुनौलीका प्रकाशको पनि मृत्यु भएको छ ।

गोरखपुरबाट सुनौली आउँदै गरेको कार र नौतनवाबाट गोरखपुर जाँदै गरेको ट्यांकर आपसमा ठोक्किँदा सो दुर्घटना भएको हो ।

दुर्घटनास्थल नेपाली सीमाबाट करिब ३५ किलोमिटर टाढा पर्दछ । भारतीय सञ्चारमाध्यमहरुका अनुसार महाराजगञ्ज जिल्लाको गोरखपुर–सुनौली राजमार्गको देवपुर गाउँनजिकै शुक्रबार दिउँसो दुर्घटना हुँदा कारमा सवार एक महिला र दुई बालकसहित सात जनाको ज्यान गएको हो ।

मृतकको पहिचान अहिलेसम्म नखुलेको स्थानीय प्रहरीले बताएका छन् । दुर्घटनामा परि मृत्यु हुने कुन–ठाउँका हुन् र कोको हुन् भन्ने खुलेको छैन ।

स्थानीय पत्रकार आलोक जोशीका अनुसार कार र ट्यांकर ठोकिँदा कारको पुरै भाग दबेको र खोलामा खसेको थियो ।

मृत्यु हुने कसैको शिर छिनेको र कसैको हातखुट्टा छिनेको छ । सडकसँग जोडिएको खोलाबाट सबै मृतकको शव झिकेर उत्तर प्रदेश पुलिसले थप अनुसन्धान गरिरहेको बुझिएको छ ।

मृतक नेपालीहरुमा दुइ बच्चा, एक महिला र पाँच पुरुष रहेका छन् । प्रहरीका अनुसार अहिलेसम्म नेपालीको बारेमा केही जानकारी मिलेको छैन ।


0
Shares

प्रतिक्रिया दिनुहोस !
सम्बन्धित खबरहरु

अर्घाखाँचीमा हामी सादा पोशाकमा खटिएका प्रहरी हौँ भन्दै अभद्र व्यवहार गर्ने दुई व्यक्तिलाई प्रहरीले पक्राउ गरेको छ । पक्राउ पर्नेमा

निलम्बनमा पारिएका प्रधानन्यायाधीश चोलेन्द्र शम्शेर जबराको महाभियोग प्रस्ताव निष्प्रभावी हुने भनी सङ्घीय संसद्का महासचिव डा. भरतराज गौतमले दिएको पत्र तत्काल

परराष्ट्रमन्त्री डा. नारायण खड्का र टर्कीका विदेशमन्त्री मेभलुत काभुसोग्लुबीच शुक्रबार दिउँसो टेलिफोनवार्ता भएको छ । उहाँहरूबीच भएको वार्तामा निकट भविष्यमा

चीनले आन्तरिक द्वन्द्वबाट तहसनहस भएको इराकको पुन: निर्माणका निम्ति निरन्तर सहयोग गर्ने बताएको छ । साउदी अरबको राजकीय भ्रमणमा रहेका