इरानले देशको बढ्दो नौसैनिक क्षमता प्रदर्शन गर्दै सोमबार बन्दर अब्बासमा आयोजित एक समारोहमा स्वदेशमै निर्मित दुई वटा युद्धपोतहरू अनावरण गरेको छ ।

स्वर्गीय इरानी कमाण्डर कासिम सुलेमानीलाई सम्मान गर्दै ‘शाहिद बाकेरी’ र ‘शाहिद सय्यद शिराजी’ नामका दिई जहाजहरू इस्लामिक रिभोलुसन गार्ड्स कोर (आईआरजीसी) नौसेनाको ‘शाहिद सुलेमानी’ वर्गका रहेको सो समारोहमा जानकारी दिइएको सिन्ह्वाले जनाएको छ ।

नौसेना कमाण्डर अलिरेजा ताङ्सिरीले दिएको जनाकारीअनुसार ती जहाजहरू पूर्ण रूपमा इरानीहरूले डिजाइन गरेका हुन् । ती जहाजको लम्बाइ ६७ मिटर छ भने स्टेल्थ टेक्नोलोजी र हतियारहरूले सुसज्जित छ ।

ती जहाजहरूमा घरेलु रूपमा उत्पादन गरिएको लामो दूरीको सय्यद र मध्यम दूरीको नवभाब एयर डिफेन्स मिसाइलहरू जडान गरिएका छन् । ट्याङ्सिरीले ५,५०० समुद्री माइल (९,५०० किमी) सम्म यात्रा गर्न सक्ने दाबी गरिएको छ ।

चार वटा इन्जिनहरूद्वारा सञ्चालित जहाले तीनवटा हल्का रकेट पोतहरू समेत बोक्न क्षमताको रहेको बताइएको छ ।