✍ मातृका लामिछाने
गौरवशाली इतिहास हाम्रो गाथा वीरताको ।
शान्तिप्रिय सेना हाम्रो प्रतीक एकताको ।।
गरि संहार आतंकको गर सम्भार देशको ।
बचाइ संस्कृति गर रक्षा भाषा, भुषा र भेषको ।।
■ ■
दुरद्रष्टा, युगद्रष्टा तीक्ष्ण बुद्धि अनि चतुर ।
शैन्यकौशल, रणकौशलमा निपूणता प्रचुर ।।
थिए एक कमाण्डर राजा पृथ्वीनारायण ।
राष्ट्रप्रति इमानदार अनि कर्तब्यपरायण ।।
■ ■
गोरखा हुँदै कान्तिपुर जुटाइ देश सारा ।
सगौरव एकताको लगाउछौँ हामी नारा ।।
स्वतन्त्र र सधैं अटल संसारमै छ राम्रो ।
राष्ट्रनिर्माण गरि बन्यो मजबुत देश हाम्रो।।
■ ■
तिलंगा भनि सुरु फौजी, नेपाली सेना बन्यो ।
विश्वभरका देशहरुले पनि उत्कृष्ट सेना भन्यो ।।
पुर्खाको वीरता बोकी हिँड्ने सधैं पाखुरामा ।
तराई, पहाड, हिमाल अनि अग्ला ती टाकुरामा ।।
■ ■
आँधिबेरी, बाढी पहिरो हिँडी सँगसँगै।
लड्दै कडा संकट बीच हाँसिरहने सधैं ।।
भीरपाखा पहरामा बाटो खन्दाखन्दै ।
भए कति सहादत जय मातृभूमि भन्दै ।।
■ ■
अटल यो देशलाई छ तिम्रै आशा भरोसा ।
शान्ति अनि सुरक्षामा छाउन नदेउ निराशा ।।
अन्धकारमा ज्योति छर्दै दुःखको बन सारथी ।
चढाउँछु स-सम्मान तिमीलाई सम्मान गारती ।।
■ ■
बनाइ मूल मन्त्र शान्ति, सुरक्षा अनि एकता ।
जोगाइ सार्वभौमिकता, बचाऊ राष्ट्रियता ।।
डमरु अनि त्रिशुल बोकी रच्यौ इतिहास पनि ।
देखाइ माटोको माया जितेर आयौ अनि ।।
■ ■
टिस्टा अनि काँगडा लड्यौ नालापानीमा ।
देखाउ साहस एकफेर अब कालापानीमा ।।
विकास निर्माण गर्न बनायौ पूल-पुलेसा र बाटो ।
मेची-काली जोगाऊ सधैं अनि यो देशको माटो ।
■ ■
कालु पाण्डे, भक्ति अनि अमरसिंह थापा ।
बहादुर शाहले बनाएको वीरताको गाथा ।।
चन्द्र-सूर्य अंकित झण्डा छ जंगी निशान ।
विजयको किल्लामा फहराइ गाऊ राष्ट्रगान ।।
■ ■
जपेर सधैं मूलमन्त्र सेवाभाव र देशभक्तिको ।
सलाम छ सधैं तिम्रो स्वाभिमान र अटुट शक्तिको ।।
राष्ट्रनिर्माता पृथ्वीनारायणको गरौं सधैं आरती ।
जननी जन्मभूमिश्च स्वार्गादपी गरियसी ।।
प्रतिक्रिया