• ^{_{विशेष प्रतिनिधि, जापान}}

जनप्रगतीशील मञ्च जापानले आयोजना गरेको कार्यक्रममा भाग लिन जापान आएका नेकपा माओवादी केन्द्रका अध्यक्ष तथा पूर्व प्रधानमन्त्री प्रचण्डले जापानका पूर्व प्रधानमन्त्री सिन्जो आबेलाई भेट्ने धोको पूरा नभएको दुःखेसो गरेका छन् ।

नारिता अन्तरर्राष्ट्रिय विमानस्थलमा संचारकर्मीहरुसँग कुरा गर्दै प्रचण्डले जापानका पूर्व प्रधानमन्त्री सिन्जो आबेसँग पटक पटक कुरा भएको र उनी नेपालप्रति अति नै सकारात्मक रहेको भन्दै जापान आउँदा पनि उनलाई भेट्ने धोको पूरा हुने अवस्था नरहेको भन्दै दुःखेसो गरेका हुन् ।

पूर्वप्रधानमन्त्री सिन्जो आबेको केही साताअघि गोली प्रहार गरी हत्या गरिएको थियो ।

‘मलाई जापानका पूर्वप्रधानमन्त्री सिन्जो आबे सँग भेट्ने धोको थियो , तर दुःखद् घटना घट्यो जो जापानमा बिरलै घट्ने घटना हो’, प्रचण्डले भने । आफू जापान आउन पहिलेदेखि नै इच्छुक रहेको बताउँदै उनले समयमै आफ्नो इच्छा पूरा नहुँदा आबेलाइ समेत भेट्न नपाएको धारणा राखे ।