२७ श्रावण २०७९, शुक्रबार

जापानमा नेपाल फेस्टिबलको उद्घाटन प्रचण्डले गर्ने

  प्रकाशित मिति
२० श्रावण २०७९, शुक्रबार १०:०४


  • विशेष प्रतिनिधि, फुकुओका (जापान)

जापानको फुकुओका शहरमा यही ६ तारिख आयोजना हुन लागेको नेपाल फेस्टिवलको उद्घाटन नेकपा माओवादी केन्द्रका अध्यक्ष तथा पूर्वप्रधानमन्त्री प्रचण्डले गर्ने भएका छन् ।

नेपाली जनप्रगतिशिल मञ्च जापानको निमन्त्रणामा अन्तरक्रिया कार्यक्रममा सहभागी हुन उनी अगष्ट ६ तारिख जापान आउँदैछन् । जापान आएलगत्तै दाहाल शनिबार फुकुओका शहरको तेन्जिङ च्यूओ पार्कमा आयोजना गरिएको नेपाल फेस्टिबल २०२२ को उद्घाटनमा सहभागी हुने भएका छन् ।

फेस्टिबल उद्घाटनमा सहभागी भएका माओवादी केन्द्रका अध्यक्ष प्रचण्ड अगष्ट ७ तारिख साँझ राजधानी टोकियोमा आयोजित अन्तरक्रिया कार्यक्रममा सहभागी हुनेछन् ।

फुकुओका शहरमा बसोबास गर्ने नेपालीहरु संलग्न रहेका विभिन्न संघसंस्थाको नेतृत्वमा आयोजित फुकुओका फेष्टिबल २०२२ आयोजनाको सम्पूर्ण तयारी पूरा भएको आयोजकले जनाएको छ । फुकुओका फेष्टिबल मुल आयोजक समितिका संयोजक अर्जुन थापाका अनुसार एकदिने नेपाल फेस्टिवलमा नेपाली मौलिक सांस्कृतिक झाँकी, खाना, पहिरन, नेपाली संगित, कला, नेपालको पर्यटनबारेमा जानकारीसहित विभिन्न सांस्कृतिक कार्यक्रमहरु हुने छ ।

यस वर्षको फुकुओका फेष्टिवलमा जापानस्थित फुकुओका केनका विशिष्ट ब्यक्तित्वहरुको उपस्थिति रहने फुकुओका महाबाणिज्यदुतावासका सचिव दीपक देवकोटाले जानकारी दिनुभयो ।

गैरआवासीय नेपाली संघ क्युस्यु क्षेत्रिय कार्यसमिति, नेपाल जनजाति महासंघ क्युस्यु क्षेत्रिय कार्यसमिति, हाम्रो नेपाल हामी नेपाली, फुकुओका नेपाल सोसाइटि र अन्तर्राष्ट्रिय लायन्स क्लबको संयुक्त आयोजना र फुकुओकामा रहेको एकल जातिय संघसंस्थाहरु, विभिन्न अन्य संघसंस्थाहरुको सहआयोजनामा फुकुओका फेष्टिबलको तयारी गरिएको फेष्टिबल मुल आयोजक समितिका संयोजक अर्जुन थापाले बताउनुभयो ।

विगत १० वर्षदेखि निरन्तर आयोजना हुँदै आएको फुकुओका नेपाल फेष्टिवल कोरोना महामारीका कारण २ वर्षयता हुन सकेको थिएन ।


9
Shares

प्रतिक्रिया दिनुहोस !
सम्बन्धित खबरहरु

खाडी मुलुक साउदीअरबमा अवैधानिक रुपमा बसेका ९३ जना नेपालीले बहिर्गमन (एक्जिट) भिसा पाएका छन् । रियादस्थित नेपाली दूतावासका अनुसार ५

प्रधनमन्त्री शेरबहादुर देउवाले श्रावण शुक्ल पूर्णिमाको दिन हिन्दू धर्मावलम्बीहरुको महान पर्व रक्षाबन्धन, जनैपूर्णिमा (ऋषितर्पणी) एवं नेवारी समुदायमा मनाइने गाईजात्राको अवसरमा

चिया व्यवसायीले चियासँग सम्बन्धित समस्याको दीर्घकालीन समाधान गर्न सरकारलाई आग्रह गरेका छन् । व्यवसायीले काठमाडौंमा पत्रकार सम्मेलन गरी इलाममा उत्पादन

झापाको शिवसताक्षी नगरपालिका-९ स्थित कन्काई नहरमा पौडी खेल्न गएका दुई बालबालिकाको बिहीबार डुबेर मृत्यु भएको छ । शिवसताक्षी-९ आइतबारेकी ११