• ^{_{राजन घिमिरे}}

पद वा सही ठाउँ पाएर मात्र हुँदैन, पदलाई वजनदार तरिकाले प्रस्तुत गरेर वा काम गरेर देखाउन सकियो भने मात्र प्रशंसा र सन्तुष्टि पनि मिल्दछ । कतिले पद र मौका पाए पनि दक्षता दर्शाउन नसक्दा पदको गरिमा नै घटाएका छन् भने कतिपयले सोचेभन्दा राम्रो काम गरेर संस्था र स्वयमको समेत व्यक्तित्व अग्ल्याएका हुँछन् ।

प्रसंग गैरआवासीय नेपाली संघका उम्मेदवारहरुको हो । विश्वास गरेर मतदाताहरूले जिताएको ओशिनिया रिजनल कोअर्डिनेटर पदमा बहाल हुँदा धर्मराज अधिकारीले गरेको कार्यको आज पनि गैरआवासीय नेपालीहरू माझ चर्चा हुने गरेको छ । त्यस समयमा गैरआवासीय नेपालीहरूलाई निमन्त्रणा गरेर अधिकारीले गरेको कार्य र पदकै गरिमा उच्च हुने गरि निर्वाह गरेको सक्रिय भूमिका उदाहरणीय मानिएको थियो ।

त्यतिबेला भनिएको थियो– ‘संघसंस्थामा कि त लाग्दैनलाग्नु लागेपछि मनदेखि नै लाग्नु, जसरी धर्मराज अधिकारी लागेका छन् ।’ वास्तवमा मनदेखि नै गैरआवासीय नेपाली संघ भनेर लागिपरेका सामाजिक अभियन्ता हुन् धर्मराज । संघप्रति दत्तचित्त भएर लागिपर्ने यिनै अधिकारीले गैरआवासीय नेपाली संघको सन् २०२१–२०२३ को लागि उपाध्यक्ष पदमा उम्मेदवारको रुपमा अगाडि आएका छन् ।

आफ्नो विगतका कार्यशैली र संस्थाप्रतिको ज़िम्मेवारीलाई इमान्दारीतासाथ निभाउने ब्यक्तिका रूपमा चिनिएका अधिकारीको उम्मेदवारीलाई गैरआवासीय नेपालीहरूले सकारात्मक रूपमा लिएको पाइएको छ ।

गैरआवासीय नेपाली संघमा २०२१–२०२३ का लागि उपाध्यक्ष पदमा उम्मेदवारी दिने घोषणा गरेका अधिकारीको यो उम्मेदवारीलाई लिएर गैरआवासीय नेपालीहरूले संस्थालाई चाहिने व्यक्ति भन्ने टिप्पणी गरेका छन् ।