१३ मंसिर २०७८, सोमबार

‘नेपाल-भारत अन्तर्राष्ट्रिय मैत्री कन्सर्ट’ आयोजना

  प्रकाशित मिति
५ मंसिर २०७८, आईतवार १७:३९



ललितपुरस्थित डीएभी सुशील केडिया विश्व भारती स्कूल र ‘संस्कृति भारत’को सहकार्यमा स्वामी विवेकानन्द सांस्कृतिक केन्द्र, भारतीय राजदूतावास (काठमाडौं)ले आइतबार ‘नेपाल-भारत अन्तर्राष्ट्रिय मैत्री कन्सर्ट’ आयोजना गऱ्यो ।

वरिष्ठ राजनीतिज्ञ तथा लोकतान्त्रिक समाजवादी पार्टी नेपालका अध्यक्ष महन्थ ठाकुरद्वारा उद्घाटन गरिएको कार्यक्रममा डीएभी सुशील केडिया विश्व भारती स्कूलका अध्यक्ष अनिल केडिया र भारतीय दूतावासका प्रथम सचिव (प्रेस, सूचना र संस्कृति) नवीन कुमारको उपस्थिति थियो । प्रमुख अतिथिको रूपमा समारोहमा मन्तव्य दिँदै अध्यक्ष ठाकुरले भारत र नेपालको साझा सांस्कृतिक सम्पदा र दुई मित्रतापूर्ण छिमेकीहरू बीचको सदियौँ पुरानो सम्बन्धलाई प्रवर्द्धन र संरक्षण गर्न युवा कलाकार र विद्यार्थीहरूको महत्त्वपूर्ण भूमिका रहनेमा जोड दिनुभयो । सो अवसरमा आफ्ना अभिव्यक्ति दिँदै प्रथम सचिव नवीन कुमारले भारत र नेपालका कलाकारहरूको रमाइलो प्रस्तुति र आफ्नो कलाको माध्यमबाट दुई देशका जनतालाई एकताबद्ध गराउन योगदान गरेकोमा धन्यवाद ज्ञापन गर्नुभयो ।

कार्यक्रममा भारतका चर्चित कलाकारहरू- गायिका डा. रञ्जना झा, नर्तकहरू सुश्री यामिनी शर्मा र सुश्री रिजुला मिश्र अनि नेपालका स्वजन रघुवंशी समूहले सुन्दर प्रस्तुति दिएर दर्शकहरूलाई मोहित पारेका थिए । भारत र नेपालका सीबीएसई स्कूलका युवा विद्यार्थीहरूले पनि सांस्कृतिक प्रस्तुति दिएका थिए ।

यो कार्यक्रम भारतको स्वतन्त्रताको ७५औँ वर्ष मनाउन तथा स्मरण गर्न भारत सरकारको पहल, ‘आजादी को अमृत महोत्सव’कै एक हिस्सा रहेको सम्बद्ध पक्षको भनाइ छ ।



प्रतिक्रिया दिनुहोस !
सम्बन्धित खबरहरु

दक्षिण अफ्रिकाका राष्ट्रपतिद्वारा प्रतिबन्ध हटाउन आग्रह पोल्याण्ड र बेलारुसको सिमा क्षेत्र तथा फ्रान्समा पनि कोरोना भाइरसको नयाँ संस्करण ओमिक्रोनबाट सङ्क्रमित

गण्डकी प्रदेशका मुख्यमन्त्री कृष्णचन्द्र नेपाली पोखरेल र नेपाली सेनाका प्रधानसेनापति प्रभुराम शर्माबीच आइतबार भेट भएको छ । मुख्यमन्त्री कार्यालयमै दिउँसो

झापाको कनकाई नगरपालिका–८ स्थित पूर्वपश्चिम राजमार्गको विरिङ पुलमा भएको सवारी दुर्घटनामा परी एकको मृत्यु भएको छ भने २२ जना घाइते

सुनचाँदी बजारमा आज छापावाल सुनको मूल्य प्रतितोला रु ९२ तोकिएको छ । अघिल्लो दिन प्रतितोला रु ९२ हजार १००मा कारोबार