८ कार्तिक २०७८, सोमबार

प्रथम सिद्धिकाली कपको उपाधि सारडाँडा युथ क्लबलाई

  प्रकाशित मिति
२६ आश्विन २०७८, मंगलवार १६:०३



तनहुँको शुक्लागण्डकी नगरपालिका वडा नं १ र २ को सुन्दरी गाउँ तथा ज्यामिरबोटस्थित आँखेताल तथा सिद्धिकाली मन्दिरको प्रवद्र्धनको लक्ष्यका साथ आयोजित प्रथम सिद्धिकाली कप–२०७८ भलिवल प्रतियोगिताको उपाधि सारडाँडा युथ क्लब भिमादले जितेको छ ।

विभिन्न ३० टिमको सहभागिता रहेको प्रतियोगितामा चण्डी देउराली युथ क्लब, चण्डीमैदान दोस्रो बन्यो भने मनकामना युथ क्लबले तृतीय स्थान प्राप्त गर्यो ।

प्रतियोगिताको उपाधि विजेता सारडाँडा युथ क्लबले ५० हजार रुपैयाँ नगद पुरस्कारसहित सिल्ड, मेडल र प्रमाणपत्र प्राप्त ग¥यो भने द्वित्तीय चण्डी देउराली युथ क्लबले २५ हजार रुपैयाँ नगदसहित मेडल र प्रमाणपत्र प्राप्त गर्यो । त्यस्तै, प्रतियोगिताको तृतीय स्थान प्राप्त गर्ने मनकामना युथ क्लबलाई १५ हजार रुपैयाँ नगद सहित मेडल र प्रमाणपत्र प्रदान गरियो । प्रतियोगिताका विजयीलाई शुक्लागण्डकी नगरपालिकाका उपप्रमुख सविता रसाइलीले पुरस्कार तथा प्रमाणपत्र प्रदान गर्नुभयो ।

कार्यक्रममा आँखेताल संरक्षण तथा सिद्धिकाली मन्दिरका अध्यक्ष दीपेन्द्र भण्डारी, खेल संंयोजक मानबहादुर आले, शुक्लागण्डकी नगरपालिका वडा नं २ का वडा अध्यक्ष जगतबहादुर गुरुङ, सुमन राना, खेम कुमाल, विष्णुहरि पन्थी, तीर्थराज खनाल, सञ्जय ढकाल लगायतले खेलकुदका माध्यमबाट सिद्धिकाली मन्दिर एवम् आँखेतालको प्रवद्र्धनमा महत्वपूर्ण सहयोग पुग्ने विश्वास व्यक्त गर्नुभयो ।

प्रतियोगिता सम्पन्न भएसँगै सम्भावना भएर पनि ओझेलमा परेका आँखेताल तथा सिद्धिकाली मन्दिरको थप प्रचारप्रसार एवम् यहाँको गरिमा र महत्व बढ्ने विश्वास जगाएको स्थानीय युवा एवम् ढकाल फोटो स्टुडियो गगनगौडाका प्रोपाइटर मीनराज ढकालले बताउनुभयो ।



प्रतिक्रिया दिनुहोस !
सम्बन्धित खबरहरु

नासिर याह्या हुसेन नयाँ राष्ट्रिय कीर्तिमानसहित आबुधावीमा आयोजना हुने १५औँ फिना विश्व च्याम्पियनसीप २०२१ का लागि छनोट भएका छन् ।

नेपाली सेनाले देशका विभिन्न स्थानमा बाढीपहिरो गई जनजीवन प्रभावित इलाकामा जनशक्ति तथा स्रोेत साधन प्रयोग गरी खोज तथा उद्धार कार्य

केदार मगर, खोटाङ जिल्लाका घरघरमा पुगेर शान्तिको कामनासहित जोगीले फेरी लगाइहेका छन् । उनीहरुले फेरी लगाएमा घरको रक्षा हुने र

रासस गरिब तथा विपन्न समुदायलाई आवास सुविधा प्रदान गर्ने उद्देश्यले सुरुआत गरिएको जनता आवास कार्यक्रमअन्तर्गत मकवानपुर जिल्लामा १९८ घर निर्माण