२९ भाद्र २०७८, मंगलवार

बेल्जियमका नेपाली बालबालिकाको निम्ति नेपाली भाषाकक्षा सञ्चालन

  प्रकाशित मिति
२८ भाद्र २०७८, सोमबार ०२:४९


  • सनत आचार्य

गैरआवासीय नेपाली संघ बेल्जियम र साङ्ग्रीला समाज बेल्जियमको संयुक्त आयोजनामा नेपाली बालबालिका लागि भाषा, संस्कार र संस्कृति सिकाउने उद्देश्यले आइतबारदेखि लुभेनमा भाषा कक्षा सञ्चालन गरिएको छ ।

भाषाकक्षा सञ्चालनबारे जानकारी गराउँदै एनआरएनका अध्यक्ष खड्गबहादुर केसीले भाषाकक्षाको आवश्यकता सबैले महसूस गरेको विषय भएकोले आफूहरूले यो कार्यक्रमको शुरुवात गरेको उल्लेख गर्नुभयो ।

उहाँले प्रवासमा जन्मे-हुर्केका नेपाली बालबालिकालाई मातृभाषा र नेपाली संस्कारहरूको बारेमा जानकारी दिन र नेपाली भाषा सिकाउन आवश्यक रहेकोले यो कक्षा संचालनमा ल्याइएको जानकारी दिँदै यसबाट बालबालिकामा मातृभाषाको ज्ञान तथा सीप बढ्ने अनि व्यवहारिक रुपमा पनि उपयोगी हुने बताउनुभयो ।

यसको प्रभावकारिता र सफलताको मुल्याङ्कन गर्दै आगामी दिनमा बेल्जियमका विभिन्न शहरमा भाषाकक्षा संचालन गर्ने अध्यक्ष केसीले जानकारी दिनुभयो । यसका लागि अभिभावकको भूमिका महत्वपूर्ण भएकोले उहाँले यसतर्फ सोच्न आग्रहसमेत गर्नुभयो ।

भाषाकक्षा संचालन कार्यक्रममा उपस्थित अभिभावक दुर्गा खतिवडाले आफ्ना बालबालिकाहरूले नेपाली भाषा सिक्ने अवसर पाउँदा आफूहरू निकै हर्षित भएको बताउँदै अरु अभिभावकहरूले यसबाट फाइदा लिन अनुरोध गर्नुभयो ।

७ देखि ११ वर्षसम्मका बालबालिकाहरूलाई मातृभूमिको भाषा, संस्कृति र संस्कार सिकाउने उद्देश्यले संघ कि महिला सदस्य एवं शिक्षिका रुविना शर्माको अग्रसरतामा कार्यक्रम संचालन गरिएको छ । शर्माले यो कक्षा संचालनबाट आफू उत्साहित भएको बताउनुभयो ।

कक्षा संचालन प्रत्येक आइतबार दिउँसो १ बजेदेखि ३ बजेसम्म हुने जानकारी आयोजकहरूले दिएका छन् भने लुभेन क्षेत्रमा रहेका बालबालिकाहरूलाई मातृभाषा सिकाइ लाभ लिन एनआरएनएले आग्रह गरेको छ ।



प्रतिक्रिया दिनुहोस !
सम्बन्धित खबरहरु

प्रधानमन्त्री शेरबहादुर देउवाले बालबालिकाका लागि कोभिड-१९ विरुद्धको खोप उपलब्ध गराउने सम्बन्धमा नेपाल सरकार पूर्ण प्रयासरत रहेको उल्लेख गर्नुभएको छ ।

इन्टरनेशनल मिलिटरी स्पोर्ट्स काउन्सिल (सिजम्स) को आयोजनामा यही भदौ ३१ गतेदेखि असोज १० गतेसम्म रसियाको राजधानी मस्कोमा आयोजना हुन गइरहेको

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४३ वर्षा ऋतु राक्षसनामक संवत्सर नेपाल सं. ११४१ वि.सं. २०७८

सनत आचार्य, बेल्जियम चितवन सहायता कोष (क्याट) बेल्जियमले कोष अभिवृद्धिका लागि आज (सोमबार) बेल्जियमको लुभेन शहरमा बारबेक्यु पार्टीको आयोजना गरेको