■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४३ नेपाल सं. ११४१ श्रीसूर्योदक्षिणायने वर्षा ऋतु राक्षसनामक संवत्सर वि.सं. २०७८ भाद्र ११ गते तद् अनुसार सन् २०२१ अगस्त २७ तारिख शुक्रबार भाद्र कृष्णपक्ष पञ्चमी तिथि अश्विनी नक्षत्र गण्ड योग ४ः५६ पर वृद्धि योग कौलव करण ०ः४१ पर गर करण आनन्दादिमा बज्र योग चन्द्रमा मेष राशिमा भ्रमणशील रहनेछ । काठमाडौंमा सूर्योदय बिहान ५ः४० मा भयो र सूर्यास्त साँझ १८ः२८ मा हुनेछ । बिरुडापञ्चमी ।

आजको राशिफल

मेष – आरोग्यता र प्रशन्नता बढ्नेछ । विशेष महत्वको वार्तामा सफलता प्राप्त होला । प्रेममा रूचि बढ्ला । विलासमा पनि आकर्षण बढ्नेछ । मान मिल्नेछ । भ्रमणको सम्भावना रहनेछ । बौद्धिक र रचनात्मक कार्य बन्नेछ ।सुख शान्ति ऐश्वर्य बढ्ला ।

वृष – खर्च बढ्नेछ । मिठो भोजन प्राप्त होला । शारीरिक र आर्थिक कार्यमा प्रगति होला । विवाद आदिदेखि सचेत भइ अरुको भर नपरेर स्वविवेकले काम गर्नु हीतकर रहला । खर्चमा नियन्त्रण ल्याउनुपर्ला । व्यापारमा सफलता मिल्नेछ । योजना र बजेट बनाई काम गर्ने प्रयत्न गर्नुहोला ।

मिथुन – अन्नधन बढ्नेछ । रोकिएको धन उठ्नेछ । ऋण, रोग र शत्रुसित लड्ने क्षमता बढ्नेछ । आशा उत्साह बढ्ला, नयाँ काममा सफलताको लागि विशेष ध्यान दिनुपर्ला ।

कर्कट – व्यस्तता बढ्नेछ । बढी परिश्रमले प्रगति हुनेछ । भागदौड वृद्धि होला । व्यवसायिक पक्षसित सम्बन्धित काम बन्नेछ । जोखिममा नपर्नु उचित होला । रसरागमा रुचि बढ्ला । आफ्नै बल विवेकले काम बन्नेछ ।

सिंह – मान महत्व पुरस्कार मिल्नेछ । उन्नति हुनेछ । ऋण, रोग र शत्रु पराजित हुनेछन् । आफन्तको सहयोग मिल्नेछ । भाग्यवर्द्धक काम बन्नेछ । शुभ समाचार मिल्नेछ । पारिवारिक सुख शान्ति बढ्नेछ ।

कन्या – प्रेममा सफलता प्राप्त हुनेछ । व्यस्तता बढ्नेछ । यात्रा होला । सुख शान्ति समृद्धि बढ्नेछ । कुनै पनि शारीरिक र आर्थिक जोखिममा नपर्नु उचित रहला । बौद्धिक र रचनात्मक कार्यमा लाग्नु बेस हुनेछ । मित्रजन एवम् सन्तानको सहयोग मिल्नेछ । रसरागमा आकर्षण बढ्ने छ ।

तुला – समस्याको समाधान मिल्नेछ । सुख समृद्धि मान पुरस्कार आदिमा विघ्नबाधाको डर रहला । मिठो भोजन खान पाउनुहुनेछ । अरुसित मिलेर काम गर्नु बेस रहला तर अरुको भरमा बस्नु र विवादमा पर्नु उचित हुने छैन ।

वृश्चिक – लेखन–प्रकाशनसित सम्बन्धित काम बन्नेछ । आरोग्यता बढ्ला । शत्रुसित लड्ने क्षमता बढ्नेछ । आफन्तको सहयोग प्राप्त होला । आर्थिक पक्ष बलियो बन्नेछ । साथीभाइको साथ मिल्नेछ । मिठो भोजन प्राप्त होला ।

धनु – धर्मपथमा सफलता मिल्नेछ । मनोकुलको काममा सफलता मिल्नेछ । उच्चाधिकारीको सहयोग रहला । बोली र व्यक्तित्वको प्रभाव बढ्ला । शैक्षिक र बौद्धिक काम बन्नेछ । धन मान महत्व बढ्ला । रसराग गीतसंगीतमा आकर्षण बढ्नेछ । सन्ततिसुख बढ्नेछ ।

मकर – खर्च र लगानी बढ्ला । धोखा हुने ठगिने सम्भावना रहनेछ । सोचीविचारी काम गर्नु अनुकुल रहनेछ । नियमकानूनलाई ध्यानमा राख्नुपर्नेछ । ऋण रोग र शत्रुप्रति सचेत रहनुपर्नेछ ।

कुम्भ – धन यश मान सुख समृद्धि बढ्नेछ । मिठो भोजन मिल्नेछ । रसरागमा आकर्षण बढ्नेछ ।

मीन – आय वृद्धि होला । बोली र व्यक्तित्वको प्रभाव बढ्नेछ । वार्तामा सफलता मिल्नेछ । मान पुरस्कार मिल्नेछ । गौरवमा बढोत्तरी हुनेछ । लगानी उठ्नेछ । साझेदारीको काम बन्ला । विलासमा आकर्षण बढ्ला । आरोग्यता बढ्नेछ ।