प्रधानमन्त्री निवास बालुवाटारमा आज बिहान १० बजे बोलाइएको नेकपा (एमाले)को स्थायी कमिटी बैठक भोलि बिहान ११ बजे बस्ने गरि समय सारिएको छ ।

एमाले पार्टी कार्यालयका सचिव शेरबहादुर तामाङले शीर्ष नेताको व्यस्तताका कारण बैठक सारिएको जानकारी दिएका छन् । आज लुम्बिनी प्रदेशमा राष्ट्रियसभाको उपनिर्वाचन हुन लागेकोले नेताहरु त्यसतर्फ केन्द्रित रहेकोले बैठक सारिएको अनुमान गरिएको छ ।

यसअघि बैठक आइतबार साँझ ५ बजेका लागि तय गरिएको थियो भने बीचैमा सूचना जारी गरी पुनः आज बिहान १० बजेका लागि सारिएको थियो ।

बैठकमा शनिबार प्रस्तुत गरिएको आर्थिक वर्ष २०७८/०७९ को बजेटको समीक्षाका साथै पार्टीको आन्तरिक जीवनबारे छलफल हुने बताइएको छ