३० जेष्ठ २०७८, आईतवार

सञ्चारकर्मीका लागि निर्माता पौडेलबाट १ लाख १ हजार सहयोग

  प्रकाशित मिति
५ जेष्ठ २०७८, बुधबार १०:३९


कोरोना कहरको महामारीबीच फ्रन्टलाइनमा सक्रिय सञ्चारकर्मीहरुको स्वास्थ्य सुरक्षाको पक्षमा उभिँदै चलचित्र ‘तिम्रो मेरो साथ’का निर्माता तथा निर्देशक रमेश एमके पौडेलले नेपाल पत्रकार महासंघ एसोसिएट प्रदेशलाई १ लाख १ हजार रुपैयाँ नगद सहयोग गरेका छन् ।

हाल अमेरिकामा रहेका पौडेलले पठाएको उक्त रकम नेपाल पत्रकार महासंघ केन्द्रिय अध्यक्ष विपुल पोखरेलसहितको उपस्थितिमा चलचित्र पत्रकार राजन घिमिरेले एसोसिएट प्रदेश अध्यक्ष वैकुण्ठराज पराजुलीलाई हस्तान्तरण गरे ।

कार्यक्रममा प्रदेश अध्यक्ष पराजुलीले कोभिड १९ को संक्रमणका परेका र संक्रमणको जोखिममा रहेका सञ्चारकर्मीहरुको स्वास्थ्य सुरक्षाको चिन्ता गर्दै सहयोगको लागी हात अघि बढाएका पौडेलप्रति आभार व्यक्त गरे ।

‘समग्र सञ्चारकर्मीहरुको पेशागत सुरक्षा, स्वास्थ्य सुरक्षाको पक्षमा उभिनु हाम्रो दायित्व हो’, पराजुलीले भने, ‘प्रदेश समितिले अघि बढाएको यो अभियान र अग्रसरतामा हातमा हात मिलाउने सहयोगी मनहरुप्रति कृतज्ञ छु ।’ उनले उक्त रकम प्रदेशको पत्रकार कोरोना सुरक्षा कोषमा जम्मा गरिने बताए ।

कोरोनाको दोश्रो लहर आउनुपुर्व चलचित्र ‘तिम्रो मेरो साथ’को छायांकन सकाएर अमेरिका पुगेका पौडेल पछिल्लो डेढ दशकदेखि चलचित्र निर्माणमा सकृय छन् । उनले यसअघि चलचित्र ‘रुद्रप्रिया’ ‘राज्जा रानी’ लगायतका चलचित्र निर्माण गरिसकेका छन् । पेशाले उनि सञ्चारउद्यमी पनि हुन् । नेपाल पत्रकार महासंघ एसोसिएट प्रदेशमा विभिन्न विधामा कलम चलाउने १२ वटा संगठन आवद्ध छन् ।



प्रतिक्रिया दिनुहोस !
सम्बन्धित खबरहरु

पाँचथर जिल्लाको फिदिम नगरपालिका-४ जोरसालमा एक वृद्धको धारिलो हतियार प्रहार गरी हत्या भएको छ । स्थानीयवासी ७९ वर्षीय टेकबहादुर इङ्वा

हिजोदेखि परेको वर्षाका कारण खसेको पहिरोले सिद्धार्थ राजमार्ग अवरुद्ध बनेको छ । आज बिहान साढे ६ बजेतिर स्याङ्जाको फेदिखोला गाउँपालिका-२

आरके श्रीवास्तव, रौतहट चन्द्रनिगाहपुरका एक महिलामाथि आफ्नै श्रीमानबाट एसिड आक्रमण भएको छ । रौतहटको चन्द्रपुर नगरपालिका वडा नम्बर ४ निवासी

नेकपा (एमाले) कञ्चनपुर जिल्ला कमिटीका अध्यक्ष वीरबहादुर थापाले सुदूरपश्चिम प्रदेश सरकारका भौतिक पूर्वाधार विकासमन्त्री दीर्घ सोडारीलाई कारवाही गर्न माग गरेका