डम्बर निदाल, डडेल्धुरा
बलात्कारपछि हत्या गरिएकी बैतडी जिल्ला दोगडाकेदार गाउँपालिका–७ चडेपानीकी भागरथी भट्टकी आमालाई सुदूरपश्चिम समाज दक्षिण कोरियाले सहयोग गरेको छ ।
भागरथी भट्टको परिवारलाई आर्थिक सहयोग जुटाउन सुदूरपश्चिम समाज दक्षिण कोरियाले निवर्तमान अध्यक्ष लालबहादुर साउदको संयोजकत्वमा आर्थिक सहयोग अभियान संचालन गरेको थियोे । उक्त अभियानबाट संकलन भएको रकम शुक्रबार सुदूरपश्चिम समाज दक्षिण कोरीयाका पूर्वअध्यक्ष नरबहादुर साँकी, धर्मराज जोशी, पूर्वसचिव सुरेन्द्र भण्डारी, पूर्वकोषाध्यक्ष नवराज भट्ट र हालका कोषाध्यक्ष डीआर पनेरुले संयुक्त रुपमा हस्तान्तरण गरेका छन् ।
अभियानबाट संकलन भएको रु. २,८३,५०० (दुई लाख त्रियासी हजार पाँच सय) नगद स्वर्गीय भागरथीकी आमालाई भेटेर हस्तान्तरण गरिएको सुदुरपश्चिम समाज दक्षिण कोरियाका अध्यक्ष वीरबहादुर पालले जानकारी दिए । साथै यस पवित्र कार्यमा सहयोग गर्ने सम्पूर्ण कोरियाबासी नेपाली दाजुभाइ तथा दिदीबहिनीलाई समाजले हार्दिक आभार ब्यक्त गरेको छ ।
सामाजिक कार्यमा अग्रणी भुमिका निर्वाह गर्दै आएको सुदूरपश्चिम समाज दक्षिण कोरियाले विभिन्न समयमा जन्मभूमि नेपालका लागि सामाजिक कार्य तथा सेवा गर्दै आएको छ ।
प्रतिक्रिया