१५ फाल्गुन २०७७, शनिबार

नेपाली चलचित्रमा निखिलाको डेब्यु अष्ट्रेलियाबाटै

  प्रकाशित मिति
६ फाल्गुन २०७७, बिहीबार १०:२२


  • राजन घिमिरे

अब कलाकरिताको भोक मेटाउन स्देशमै रहनुपर्ने भन्ने अवस्था रहेन । मनमा केही गर्ने सोच र लक्ष्य रह्यो भने के स्वदेश के प्रवास जहां रहे पनि त्यो भोकलाई मेटाउन सकिन्छ र कलाकारितामार्फत पहिचान बनाउन सकिन्छ । पछिल्लो समय यही कर्मलाई समाउँदै प्रबासबाट कलाकारिता विधामा लागिपर्ने सोचका साथ सक्रिय युवती हुन् निखिला बुढाथोकी ।

झापामा जन्मिएर अष्ट्रेलियालाई कर्मथलो बनाएकी निखिला बुढाथोकी विगत पाँच वर्षदेखि अस्ट्रेलियामा बसोबास गर्दै आइरहेकी छन् । मूलतः उनी नर्स हुन्, तर अब कलाकारिता विधाका कारण उनको परिचयले विस्तारित रूप पाउने देखिन्छ । उनि अस्ट्रेलियामा राम्रो बेली डान्सरको रुपमा पनि परिचित छिन् ।

निखिला मनोज अधिकारीको लेखन र निर्देशनमा बन्दै गरेको नेपाली सिनेमा ‘पर्पला’मा नायिकाको रुपमा डेब्यु गर्दै छिन् । यो चलचित्रको छायांकन सकिएको निर्माण पक्षले जानकारीसमेत दिइसकेको छ ।

अष्ट्रेलियामा नेपाली चलचित्र, गीत संगीत र कलाकारहरूको कलाकारिताको बारेमा लामो समयदेखि प्रबर्धन गर्दै आएको आरकेएस अष्ट्रेलियाको साथमा ओएमजी इन्टरटेनमेन्ट र ग्रिन हिल्स इन्टरटेनमेन्टले यो चलचित्रलाई संयुक्त रूपमा निर्माण गरेका हुन् । चलचित्रमा रविन्द्र कुमार शर्मा, सरोज कुमार वाइबा, डम्बरबहादुर अधिकारी र छबि रसाइली निर्माता रहेका छन् भने सहनिर्मातामा शृजना लुहागुन, सरस्वती गौतम र भीमबहादुर रसाइली रहेका छन् । चलचित्रलाई भानु प्रतापले प्रस्तुत गरेका हुन् । यति बेला यो चलचित्रको प्राविधिक काम शुरू भएको छ ।



प्रतिक्रिया दिनुहोस !
सम्बन्धित खबरहरु

सहिद स्मारक ‘बी’ डिभिजन लिग फुटबलअन्तर्गत शुक्रबार भएको खेलमा सातदोबाटो युथ क्लब विजयी भएको छ । ललितपुरको सातदोवाटोस्थित एन्फा कम्प्लेक्सको

तेह्र वर्षीया बालिकालाई बलात्कार गरेको आरोपमा राजविराज नगरपालिका–४ का २२ वर्षीय आसमान निरालेलाई जिल्ला अदालतले १८ वर्ष कैद सजायको फैसला

डम्बर निदाल, डडेल्धुरा बलात्कारपछि हत्या गरिएकी बैतडी जिल्ला दोगडाकेदार गाउँपालिका–७ चडेपानीकी भागरथी भट्टकी आमालाई सुदूरपश्चिम समाज दक्षिण कोरियाले सहयोग गरेको

कोभिड १९ को सङ्क्रमणबाट अमेरिकाको क्यालिफोर्नियामा मात्र ५० हजार जनाभन्दा बढी नागरिकको ज्यान गएको बताइएको छ । कोभिड १९ महामारीका