१५ फाल्गुन २०७७, शनिबार

ठूलो उथलपुथल हुने देखिन्छ : ज्योतिषी ढकाल

  प्रकाशित मिति
२८ माघ २०७७, बुधबार ०३:४०



उनी अर्थात् ज्योतिषी शिवदत्त ढकाल त्यसदिन अचानक घटना र विचारको कार्यालयमा देखापरेका थिए । २०७१ सालको चैत्र २२ गते मध्यान्हको समय थियो । ज्योतिषी भेटेपछि जिज्ञाशा प्रकट हुनु स्वभाविक थियो, हामीले जिज्ञाशा राख्यौँ- ‘गुरु, अब नयाँ साल २०७२ यो मुलुकका लागि कस्तो रहनेछ ?’

ज्योतिषी ढकालले विष्मय भाव झल्काउँदै भनेका थिए- ‘वर्ष २०७२ को सालभरी नै खराब छ, तर वैशाख १ देखि असार मसान्तभित्र के हुन्छ के हुन्छ, बर्बाद हुने देखिन्छ । हज्जारौँ मानिस मर्नेछन्, देश तवाह हुन्छ, नयाँ साल त खत्तमै छ ।’

उनले यसो भनेको बीस दिनपछि २०७२ वैशाख १२ गते महाभूकम्प गएपछि थाहा भयो ढकालले के भनेका रहेछन् भन्ने । यसपटक तिनै ज्योतिषी ढकालसँगको कुराकानी यहाँ प्रस्तुत गरिएको छ ।

० यतिबेला मुलुकको स्थिति कस्तो छ ग्रह गोचरीय (ज्योतिषीय) दृष्टिमा ?
– मंगल, राहु र केतुबाहेक सबै ग्रह अब एक ठाउँमा आइपुग्दैछन् । २८ माघमा एकै ठाउँमा हुन्छन् २९ गतेको केही समयसम्म । नेपालको वृश्चिक राशी उच्च, मंगल स्वामी हुन् । सेनापति (मंगल) एक्लो भएको छ, तर एक्लो भए पनि आफ्नो ठाउँमा छ । यो प्रारम्भिक समय हो, नेपाल कता जान्छ भन्ने माघ २८ पछिका घटनाले देखाउँछ । माघ ३० गते शुक्र अस्त हुने र फागुन २ गते बृहस्पति उदय हुन्छ, त्यसपछि केही राम्रो समय आउँछ । माघ २८ गते उत्पातको दिन हो, फागुन २ गतेसम्म रहन्छ र फागुन ३ गते पनि राम्रो छैन ।

० कस्तो प्रकारका अनिष्टहरू देखा पर्न सक्छन् ?
– शुभ ग्रहहरू विषाक्त र अमृत ग्रहहरू कमजोर भएका छन् । हातहतियार र अग्नीको प्रकोप कम भए पनि अन्य प्रकारका प्रकोप सम्भव छ । मानिसमा तनाव र द्वन्द्व बढ्छ, ठूला मानिसको मानसिकता बिग्रन पुग्छ । प्राकृतिक प्रकोप पनि हुन सक्छ ।

० राजनीतिमा पनि असर पर्ने हो कि सामाजिक र प्राकृतिक जीवनमा मात्र ?
– यो अहिलेको समयमा सानो घटनाले पनि विषाक्त रूप लिन सक्छ । सानो घटना भनेर उपेक्षा गर्न नहुने समय हो । २०५२ सालमा पनि यस्तै स्थिति हुँदा हिंसात्मक रूप लिएको थियो । यस्तो समयमा जन्मने मानिस राजग्रही पनि हुन्छन् र बिनासक पनि हुन सक्छन् । यो समय सामान्य होइन, राम्रो बाटो लिन सक्दा राम्रो परिणाम पनि आउन सक्थ्यो, तर राम्रोभन्दा नराम्रो हुने सम्भावना रहन्छ । रचनात्मक काममा नलाग्ने हो भने स्थिति खराब हुन्छ ।

० ठूलै उथलपुथल ? कहिले, कसरी र कस्तो प्रकारको उथलपुथल होला ?
– शनिश्चर न्यायको ग्रह हो, खराब घटना भए पनि, हानी नोक्सानी भए पनि राम्रो हुनेतिर जान्छ । वृहस्पति अगाडि र शनी पछाडि भएकोले अन्ततः उथलपुथलको परिणाम राम्रो हुनेछ । तर उथलपुथलचाहिँ हुनेछ ।

० प्रधानमन्त्री केपी शर्मा ओलीको ग्रहस्थिति कस्तो देख्नुहुन्छ ?
– केपी ओलीको धन स्थानमा शनि भएको र वृहस्पतिले देखेको हुनाले प्रचुर धनवान हुने योग हो । खानपिन र रहनसहनका कारण उनको स्वास्थ्य कमजोर हुने हो । २०७७ को वैशाखबाट नै दिन खराब भएको हो । साढे सातको शनि दशामै उनी प्रधानमन्त्री भएका हुन्, तर प्रधानमन्त्री भए पनि अशान्ति, बेचैनी बढाउँछ । व्यक्तिगत रूपमा उनको समय अनुकुल होइन, अहिले ग्रहबल कमजोर छ ।

० कतिपय मानिस मुलुकमा राजसंस्था पुनर्वहाली हुने आशा गर्दैछन्, के त्यस्तो सम्भावना होला ?
– राजाका निम्ति समय अनुकुल नै हो । वृहस्पति उदाएको पन्ध्र दिनपछि (फागुन तेस्रो सातापछि) राजाको स्थिति के हुने भन्ने स्पष्ट हुनेछ ।

० अबको परिवर्तनपछि देशको गति र दिशा सकारात्मक होला कि नकारात्मक नै ?
– शुक्र यो सालभरी नै अस्त हो । यो साल राम्रो होइन, नयाँ साल (२०७८) पछि स्थिति क्रमशः अनुकुल हुँदै जानेछ । राज्यकारक ग्रह शुक्र वैशाखमा उदाएपछि देशले सुधारात्मक बाटो लिने सम्भावना छ ।

० देशको नेतृत्व (कार्यकारी प्रमुख) कस्तो प्रकारको होलान् ?
– नेपालको वृश्चिक राशी हो । यो बलवान् र पराक्रमी राशी भएकोले देशको नेतृत्व जसले लिए पनि देशै समाप्त हुने भन्ने हुँदैन । विद्वान् र सेवक स्वभावका न्यायिक मानिस नै देशको नेतृत्वमा आउने छन् ।

० सेनाको शासन शुरु हुन सक्छ पनि भनिँदैछ, के त्यस्तो अवस्था आउने देख्नुहुन्छ ?
– मंगल अहिले एक्लिएको छ । सेनाको भूमिका आगामी केही समयसम्म कमजोर छ । जेठ असारपछि सेनाको भूमिका बलियो भएर जानेछ । कुनै पनि ग्रहको साथ नपाएको हुँदा अहिले सेनाले एक्लिएको महसुस गरेको हुन्छ । दुविधा र निराशाको जस्तो, अलिक अनिर्णयको जस्तो अवस्थाबाट सेनाले आगामी केही समय गुज्रनुपर्ने हुन्छ ।



प्रतिक्रिया दिनुहोस !
सम्बन्धित खबरहरु

ज्ञानमित्र अच्युदानन्द ब्राह्मण रामचंद्र उवाच : अब ओली कुन मुख लिएर संसदमा जानुहुन्छ ? निठल्ला चिन्तकलाई हाँसो उठ्यो, उसले समाचारको

सरकारले यही फागुन २३ गते प्रतिनिधिसभाको बैठक बोलाउन सिफारिश गर्ने निर्णय गरेको छ । प्रधानमन्त्री निवास बालुवाटारमा शुक्रबार साँझ बसेको

केशवप्रसाद भट्टराई १. प्रक्रिया अर्को कुरा हो तर सार्वभौम जनताले जुन दलको नेतालाई प्रधानमन्त्रीको रूपमा देखेर उसको नाउँमा भोट दिएर

नेपाल कम्युनिष्ट पार्टी (नेकपा) संंसदीय दलको प्रतिनिधिसभातर्फका मुख्य सचेतकमा विशाल भट्टराईलाई नियुक्त गरिएको छ । प्रधानमन्त्री तथा नेकपा संसदीय दलका