‘बिरामी पत्नीको उपचार’ शीर्षकमा भारत पुगेर फर्किएका प्रचण्ड राजनीतिक परिणाम आफ्नो पक्षमा पार्न निकै सक्रिय भएका छन् । संसद् विघटनविरुद्ध भारत र युरोपेली मुलुकले नबोलिदिएकोमा सार्वजनिक चिन्ता प्रकट गर्दै प्रचण्ड गत साता भारत पुगेका थिए । मुम्बई र दिल्लीमा रहँदा प्रचण्डले त्यहाँका प्रभावशाली नेताहरूलाई भेट्ने प्रयास गरेको, तर उनलाई भेट्न कुनै पनि भारतीय नेताले नचाहेको बुझिएको छ ।
नेपाल मामिलामा चासो राख्ने भगतसिंह कोशियारीले समेत प्रचण्डसँग भेट्ने प्रस्तावलाई अस्विकार गरेका थिए । मुम्बईबाट काठमाडौं फर्किने क्रममा प्रचण्ड गत शुक्रबार (पुष २४ गते) दिल्ली आएर होटल आइटीसी मौर्यमा बसेका थिए । त्यहाँ प्रचण्डले गुप्तचरका केही उच्चाधिकारीहरूसँग भेट गरेको जानकारी घटना र विचारलाई प्राप्त भएको छ ।
धौलाकुवास्थित उक्त होटलमा गुप्तचर निकायको तेस्रो र दोस्रो तहका अधिकारीहरूले प्रचण्डलाई भेटेका थिए । प्रचण्डले भेटका क्रममा आफू भारतकै मित्रका रूपमा रहेर काम गर्न इच्छुक रहेको जानकारी गराउँदै केपी ओलीलाई विश्वास गर्न नसकिने स्पष्ट गरेको बताइन्छ । प्रचण्डले संसद् विघटनलाई भारतले सकारात्मक रूपमा लिन नहुने सुझाव पनि गुप्तचर अधिकारीहरूलाई दिएको मोर्य होटलसम्बद्ध सुत्रले जनाएको छ ।
प्रचण्डको भारत भ्रमण निजी भयो । तर निजी भ्रमणलाई फलदायी बनाउने प्रयास उनले गरेका थिए । आफूप्रति भारतीय उदासिनता देखेर प्रचण्ड आफैं पनि उदासिन बनेको बुझिएको छ । यस घटनापछि प्रचण्डले आफ्नो औकात बुझेको टिप्पणी दिल्लीस्थित नेपालीहरूमाझ भइरहेको छ ।
प्रतिक्रिया