९ माघ २०७७, शुक्रबार

एसएसपी सिंहले सम्हाले काठमाडौं परिसरको नेतृत्व

  प्रकाशित मिति
८ मंसिर २०७७, सोमबार १२:०२



सबै प्रहरीले अनुशासित, मर्यादित र सभ्य भएर नागरिकसँग व्यवहार गर्नुपर्नेमा जोड

■ सनत आचार्य

महानगरीय प्रहरी परिसर काठमाडौंका प्रहरी प्रमुख एसएसपी अशोक सिंहले आज (८ मंसीर) देखि परिसरकोे जिम्मेवारी सम्हालेका छन् ।

गृहमन्त्रालयको मङ्सिर ५ को निर्णयअनुसार एसएसपी श्यामलाल ज्ञवाली प्रहरी प्रधानकार्यालय सरुवा भएपछि सिंहलाई परिसर कमाण्डको जिम्मेवारी दिइएको थियो ।

कमाण्ड सम्हालेलगत्तै आजै परिसरमा रहेका जुनियर तथा सिनियर अधिकृतहरूलाई आवश्यक निर्देशन दिँदै एसएसपी सिंहले आफ्नो प्राथमिकता भनेको राजधानीको शान्ति–सुरक्षा रहेको र आमनागरिकलाई सुरक्षित छु भन्ने अनुभूति दिन कसैले कुनै कसर राख्न नहुने गरी काम गर्न आवश्यक रहेकोले आफ्नो मातहतका सबैले सोहीअनुसार भूमिका निर्वाह गर्नु पर्ने बताए ।

एसएसपी सिंहले आफ्नो मातहतका सबै प्रहरीले अनुशासित, मर्यादित र सभ्य भएर नागरिकसँग व्यवहार गर्नुपर्नेमा जोड दिए ।

काठमाडौंमा कुनै पनि आपराधिक घटना हुन नदिन सबै सजगतापूर्वक लाग्नुपर्ने र कानुनलाई कसैले हातमा लिएर काम गर्छ भने त्यो आफुलाई सह्य नहुने पनि सिंहले प्रष्ट पारे ।

एसएसपी सिंहको मंगलबार बिहान काठमाडौं परिसर मातहतमा रहेका प्रहरी कार्यालयका अधिकृतहरूलाई आवश्यक निर्देशन दिने कार्यक्रम रहेको परिसरका प्रवक्ता सोमेन्द्रसिंह राठौरले जानकारी दिए ।

यसअघि एसपी हुँदा उनले काठमाडौं र ललितपुर परिसरमा काम गरिसकेको हुनाले उपत्यकाको शान्तिसुरक्षा र अमनचैन कसरी स्थापित गर्न सकिन्छ भन्नेमा जानकार रहेको हुँदा सोहीअनुसार एसएसपी सिंहले रणनीति निर्माण गर्ने बुझिएको छ ।



प्रतिक्रिया दिनुहोस !
सम्बन्धित खबरहरु

मंगोलियाका प्रधानमन्त्री खुरेल्सुख उख्नाले पदबाट राजीनामा दिएका छन् । एक सुत्केरी र उनको शिशुको उपचारमा लापर्वाही भएको भन्दै आन्दोलन भएपछि

करवीर शाह चल्ला त चिलले पनि कोरल्छमातृवत् स्नेहले आफ्ना बलिष्ट प्वाँखमुनि आफ्ना बचेरालाईआँधी-बेहरी बर्षा र अरु गिद्देनजरबाट बचाउँछविचरा बचेराहरू आमाको

ताप्लेजुङको फक्ताङलुङ गाउँपालिका-६ घुन्सा गाउँमा हिमपात शुरु भएसँगै गाउँभरिका आधा परिवारले जाडो छल्न गाउँ छाडेका छन् । घुन्सा गाउँमा हिउँ

सप्तरीको कञ्चनरूप नगरपालिकामा बिहीबार साँझ भएको ट्र्याक्टर दुर्घटनामा एक जनाको मृत्यु भएको छ । कञ्चनरूप-११ ठेलिया टोलको नहरस्थित भित्री सडकखण्डमा