मिमकुमारी राना
तुलसीपुर उपमहानगरपालिका–११ नवलपुरका ४५ वर्षीय कुमार विकमाथि धारिलो हतियारले आक्रमण गरी घाइते बनाउने दुई जनालाई इलाका प्रहरी कार्यालय तुलसीपुरले पक्राउ गरेको छ ।
आपसी विवाद हुँदा विकमाथि खुर्पालगायत धारिलो हतियार प्रहार गरी एउटा खुट्टा काटिदिएको र शरिरका विभिन्न भागमा गम्भीर चोट लाग्ने गरी आक्रमण गरेको आरोपमा प्रहरीले तुलसीपुर उपमहानगरपालिका-१६ का २२ वर्षीय पवन चौधरी र वडा नं. १० का २४ वर्षीय अमृत चौधरीलाई पक्राउ गरी अनुसन्धान थालेको इलाका प्रहरी कार्यालय तुलसीपुरका डिएसपी शिवबहादुर सिंहले जानकारी दिनुभयो ।
उनीहरुलाई प्रहरीले पत्रकार सम्मेलन गरेर सार्वजनिक गरेको छ भने घाइते विकको लखनउमा उपचार भइरहेको छ ।
प्रतिक्रिया