विशेष प्रतिनिधि, टोकियो
जापान सरकारले कोरोना भाइरस संक्रमण नियन्त्रणका लागि आउँदो नयाँ वर्षमा साविकभन्दा एक हप्ता लामो बिदा दिन कम्पनीहरुलाई निर्देशन दिने भएको छ । मन्त्रिपरिषद्का एक सदस्यले नयाँ वर्षको समयमा आफन्तहरुसँगको भेटघाटमा संख्या कम गर्न र घुमघाममा पनि संख्या घटाउनको लागि यस्तो तयारी गरिएको बताए ।
जापान सरकारको कोरोना भाइरस नियन्त्रणको मुख्य जिम्मा बोकेका यासुतोसी निसिमुराले यसपटक नयाँ वर्षको विदा २०२१ जनवरी ४ तारिकसम्म नभई जनवरी १२ तारिकसम्म छुट्टि दिनको कम्पनीहरुलाई निर्देशन दिने बताएका छन् ।
जापानमा नयाँ वर्षको बिदाको समयमा आफन्तहरु भेट्नका लागि गाउँ फर्कने र घुम्न जाने मानिसहरु धेरै भएको हुनाले रेल, हवाइ उडान र होटलहरुको लागि सबैभन्दा व्यस्त सिजन हो । छोटो समयको विदा हुँदा मानिसहरु एकै समयमा यात्रा गर्ने भएकाले भिंडभाड हुन नदिन यो उपाय अपनाउन लागिएको बुझिएको छ ।
प्रतिक्रिया