एस. क्षेत्री, होक्काईदो (जापान)

दशैँको टिकाको दिन आज (२६ अक्टोबर) बिहान १० बजे जापानको होक्काइदोमा एकै परिवारका तीन जना नेपाली सवार गाडी ट्रिपरसँग ठक्कर खाई दुर्घटना भएको छ ।

एकै परिवारका श्रीमान, श्रीमती र २ महिनाको सानो बच्चा सवार रहेको गाड़ी दुर्घटनामा परि २ महिने बच्चाको निधन भएको छ भने श्रीमान, श्रीमतीको अवस्था पनि गम्भीर रहेको जापानी सञ्चारमाध्यमहरु खबर प्रकाशन भएका छन् ।

बेक्काई सहरको राजमार्गमा कार घुमाउन खोज्दा ट्रिपरसँग ठक्कर खान पुगेको बताइएको । समाचारका अनुसार उनीहरु त्यहि सहरमा बस्दै आएका थिए ।