विशेष प्रतिनिधि, जापान
गैरआवसीय नेपाली संघ (एनआरएनए) जापान कान्तो क्षेत्रीय कमिटीले प्रथम एनआरएनए कान्तो रनिङ कप २०२० पुनः आयोजना गर्ने भएको छ । आउँदो नोभेम्बर २९ तारिख आइतबार जापानभरिका खेलप्रेमीहरुलाई समेटेर प्रथम एनआरएनए कान्तो रनिङ कप २०२० गर्ने भएको हो ।
यसअघि मार्च २९ तारिख गर्ने भनिएको उक्त खेल कोरोनाको महामारीले स्थगन भएको थियो ।
प्रथम एनआरएनए कान्तो रनिङ कप २०२० मा प्रथम हुनेलाई कप, रनिङ कपको साथै नगद ५ लाख येन पुरस्कार दिने घोषणा गरेको कार्यक्रम संयोजक तथा एनआरएनए कान्तोका सहसचिव मनोज श्रेष्ठले जानकारी दिनुभयो । यस्तै, दोस्रो हुनेलाई २ लाख र कप, सेमिफाइनालिस्टलाई कप, फेयर प्ले टिम कप, वेस्ट प्लेअर कप, हाई स्कोर कप, वेस्ट स्टिकिअर कप, प्ले अफ द लिगललाई पनि कप दिने जनाइएको छ ।
जापानको टोकियोनजिकको शहर साइतामामा हुने उक्त खेललाई नेपाल फुटवल संघ जापान र गैरआवसीय नेपाली संघ जापानले सपोर्ट र मातु सन्देश डट कटले मिडिया सपोर्ट गरेको छ ।
उक्त प्रथम एनआरएनए कान्तो रनिङ कप २०२० मा सहभागी हुनको लागि ४१ हजार येन दर्ता शुल्क लाग्ने आयोजकले जनाएको छ । साथै टिम दर्ताको अन्तिम मिति २०२०/११/१५ तारीख रहेको जानकारी दिँदै सम्पूर्ण सहभागी टिमलाई समयमै टिम दर्ता गरी आफ्नो ठाउँ सुरक्षित गर्नको लागि एनआरएनए कान्तोका अध्यक्ष राकेश रुम्बाले अपिल गर्नुभएको छ ।
टिम दर्ताको रकम फुरिगोमी गरिसकेपछि एनआरएनए कान्तोका कोषाध्यक्ष सागर कार्कीलाई सम्पर्क गरेर जानकारी गराउन अनुरोध गरिएको छ ।
प्रतिक्रिया