१३ कार्तिक २०७७, बिहीबार

विषमावस्थाको व्यवस्थापनमा सघाउन प्रभु बैंकको ‘सहयात्रा समृद्धिको’ योजना

  प्रकाशित मिति
७ आश्विन २०७७, बुधबार ०५:४६


प्रभु बैँक लि.ले ‘सहयात्रा समृद्धिको’ (Partnership for Prosperity) नामक कर्जा योजना आरम्भ गरेको छ ।

मुलतः नेपाल राष्ट्र बैँक, सहुलियतपूर्ण कर्जाका लागि ब्याज अनुदानसम्बन्धी एकिकृत कार्यविधी, २०७५ अन्तर्गतको यो कर्जा योजना ‘आइडिया स्टुडियो नेपाल’सँगको सहकार्यमा कोभिड–१९ को कारणले प्रभाबित र समस्यामा परेका साना उद्यमी तथा व्यवसायी, स्वरोजगार उद्यमी, शिक्षित बेरोजगार युवा, विदेशबाट फर्केका बेरोजगार युवा, परम्परागत पेशा र व्यबसायमा संलग्न उद्यमीहरूको विद्यमान आर्थिक कठिनाईलाई व्यवस्थापन गर्न ल्याइएको बैंकले जनाएको छ ।

साथै, यस माहामारीमा उल्लिखित व्यवसायी–उद्यमीहरूका पेशा, उद्यम र व्यवसायहरूलाई पुनः सुचारु गर्न सहयोग पुऱ्याउने लक्ष्यका साथ योजना ल्याइएको बैंकका नायव प्रमुख कार्यकारी अधिकृत मणिराम पोखरेलले जानकारी दिएका छन् । सहयात्रा समृद्धिको यो कर्जा योजना उक्त समुहलाई आर्थिक उन्नतिसहित जीवनभरको एउटा वित्तीय आधार र संयन्त्र तयार गर्ने एउटा प्रयास पनि भएको पोखरेलको भनाई छ ।

सरकारबाट जारी लामो समयसम्मको बन्दाबन्दीको कारण उपत्यकामा टेम्पोलगायत अन्य सार्वजनिक सवारी साधनहरूमा रोक लगाएसँगै विशेषगरी सफा टेम्पोका महिला चालकहरू आर्थिक संकटका बीच बाँचिरहेका छन् । नियमित रुपमा भइरहेको आम्दानी गुमाउनु परेसँगै दैनिक रोजीरोटीको लागी आर्थिक जोहो गर्न नसक्दा अहिले निकै ठूलो आर्थिक दबाबका बीच आफ्नो घर–व्यवहार चलाउन उनीहरू बाध्य छन् ।

अर्कोतिर, हाल विद्यालयहरूले विधार्थीहरूका लागि अनलाइन कक्षाहरू संचालन गरिरहेका छन् तर शिक्षकहरूले अनलाइन कक्षा सञ्चालनका लागि आवश्यक पर्ने इन्टरनेट पहुँच, कम्प्यूटर तथा फर्निचर जस्ता न्यूनतम आवश्यकताहरूको जोहो गर्न सकेका छैनन् ।

यस कर्जा योजनाअन्तर्गत प्रथम चरणमा बैंकले काठमाडौ उपत्यकाभित्रका महिला टेम्पो चालकहरूलाई अधिकतम रु १ लाख र विद्यालय शिक्षकहरूलाई अधिकतम रु ४ लाख कर्जा सुविधा सरल र सहज तरिकाले उपलब्ध गराउने बताइएको छ ।

सोही क्रममा यो कर्जा योजना शुभारम्भको अवसरमा मंगलबार (६ असोज) काठमाडौं उपत्यकाभित्रका १० जना महिला सफा टेम्पोचालकहरूलाई बैंकले कर्जा प्रमाणपत्र हस्तान्तरण गरेको छ । यो कर्जा योजना तोकिएका अन्य पेशा, उद्यम र व्यवसायका साथै काठमाडौ उपत्यकाबाहिर पनि क्रमशः लागु गर्दै जाने बैंकको भनाइ छ ।

‘सहयात्रा समृद्धिको’ कर्जा योजना र यसको प्रक्रियामा ग्राहकहरूले कर्जा संगसंगै वित्तीय साक्षरता, वित्तीय व्यवस्थापन र अनुशासनको ज्ञान तथा सीपहरू पनि सिकुन् भन्ने अभिप्राय केन्द्रित गरिएको र यस विषमताको घडीमा प्रत्यक्ष/अप्रत्यक्ष रूपमा मार खेपिरहेका व्यक्ति र व्यवसायहरू यस कर्जा योजनाबाट लाभान्वित हुने विश्वास बैँकले लिएको जनाइएको छ ।



प्रतिक्रिया दिनुहोस !
सम्बन्धित खबरहरु

ग्रामीण उद्यम तथा आर्थिक विकासका साथै महामारीपछिको नेपालको कृषि क्षेत्रको पुनरुत्थानमा सघाउन विश्व बैंकले रु नौ अर्ब ४४ करोड ऋण

नेपाल-चीनबीचको प्रमुख व्यापारिक तातोपानी नाका औपचारिक रुपमा आज (१२ कात्तिक)देखि पुनः सञ्चालनमा आएको छ । बाढीपहिराले तीन महिनादेखि बन्द भई

चाडपर्वको समयमा महँगो भाडा तिरेर हवाई यात्रा गर्न बाध्य जुम्ली नागरिकले सीता एयरले सहुलियत उडान भरेसँगै राहतको महसुस गर्न थालेका

धितोपत्र बजारमा शेयर कारोबार मापक नेप्से परिसूचक बिहीबार (६ कात्तिक) पनि साढे आठ अङ्कले वृद्धि भएको छ । नेपाल स्टक