नेपाल राष्ट्रिय यातायात व्यवसायी महासङ्घका पूर्व संरक्षक एवम् ख्यातिप्राप्त व्यवसायी जीवनसिंह भण्डारीले यातायात व्यवसायीहरूलाई परेको विकराल समस्याप्रति गम्भीर चिन्ता प्रकट गर्दै सम्बद्ध मन्त्रालय र व्यावसायीबीचको सम्वादबाट निकास निकाल्नु पर्ने बताउनुभएको छ ।
घटना र विचारसँग कुरा गर्दै भण्डारीले भन्नुभएको छ, ‘यातायात व्यवसायीहरू गाडीको किस्ता बुझाउन सक्ने अवस्थामा छैनन्, ऋणमा चुलुम्म डुबेका छन् । कोरोना आतङ्ककै बीचमा दशैँ जस्तो महान् चाड आउँदैछ, यातायात व्यावसायीहरूले जनताको सेवा गर्नुपर्ने विशेष अवसर आएको छ । सरकारले व्यवसायीको मर्का बुझ्नुपर्छ र महासङ्घको नेतृत्वमाथि विश्वास गर्नुपर्छ । दुई पक्ष सौहाद्र्धपूर्ण ढङ्गले वार्तामा बस्ने हो भने समस्याको समाधान अवश्य हुनेछ ।’
‘मन्त्रालय र महासङ्घबीच सम्वाद गरेर समधान खोज्न ढिलाइ गरिनु हुन्न । एक पक्षले अर्को पक्षको समस्यालाई गम्भीरतापूर्वक सुन्ने र बुझ्ने काम गरे भने समाधान टाढा छैन’– भण्डारीको भनाई छ । उहाँले वार्ता गर्न विलम्ब गर्न नहुनेमा जोड दिनुभएको छ ।
प्रतिक्रिया