विशेष प्रतिनिधि, टोकियो (जापान)
बुधबार तल्लो सदनमा भएको चुनावबाट सत्तारूढ दल लिबरल डेमोक्रेटिक पार्टी (एलडिपी)का नेता योशिहिदे सुगा जापानको नयाँ प्रधानमन्त्री चुनिएका छन् । संसदमा भएको मतदानमा ३१४ मतसहित सुगा जापानको ९९औं प्रधानमन्त्रीमा निर्वाचित भएका हुन् ।
प्रधानमन्त्रीमा निर्वाचित भएसँगै सुगाले कोरोना महामारीका कारण तहसनहस भएको अर्थतन्त्र उकास्न आफ्नो जोड रहने बताएका छन् ।
उनले न्यूनतम ज्याला बढाउने, कृषि सुधार र पर्यटन प्रवर्द्धन गर्ने पनि बताएका छन् ।
विदेशनीतिमा पनि उनले आबेको लिएको नीति पछ्याउने अपेक्षा गरिएको छ र जापानले अमेरिकासँग लामो समयदेखिको गठबन्धनलाई प्राथमिकता दिँदै चीनसँग स्थिर सम्बन्ध कायम राख्ने अपेक्षा गरिएको छ ।
स्वास्थ्य समस्याका कारण प्रधानमन्त्री पदबाट राजीनामा दिएका सिन्जो आबेको उत्तराधिकारीका लागि जापानको सत्तारुढ दल एलडीपी गत सोमबार नयाँ नेताको रुपमा योशिहिदेलाई सुगालाई निर्वाचित गरेको थियो ।
सोमबार सत्तारुढ पार्टी लिबरल डेमोक्रेटिक पार्टी (एलडीपी)ले उनलाई आफ्नो नेता चयन गरेसँगै सुगा जापानको नयाँ प्रधानमन्त्री बन्न निश्चितजस्तै भएको थियो ।
सन् २०१२ देखि उनी आबेको क्याबिनेटमा कार्यरत थिए। सुगाको कार्यकाल सन् २०२१ को सेप्टेम्बरमा सकिने छ ।
प्रतिक्रिया