नारद कोहार, तौहिलवा
जिल्ला सदरमुकामस्थित राष्ट्रिय बाणिज्य बैंक तौलिहवा शाखा अनिश्चित कालका लागि बन्द गरिएको छ । शाखा प्रबन्धकको स्वाब परीक्षणको लागि पठाइएकोमा गत आइतबार आएको रिर्पोटमा उनलाई कोरोना पुष्टि भएपछि बैंक बन्द गरिएको हो ।
बैंक शाखा प्रबन्धकको स्वाब परीक्षणका लागि जेठ २० गते राप्ति स्वास्थ्य विज्ञान प्रतिष्ठान दाङ पठाइएको थियो ।
बैंकको ५ नम्बर प्रादेशिक कार्यालय नेपालगञ्जले सूचना जारी गर्दै अर्को सूचना जारी नभएसम्मका लागि बैंकका सम्पूर्ण कारोबार बन्द गरिएको जनाएको छ । यसबाट ग्राहक वर्गमा पर्न जाने असरप्रति बैंकले क्षमा समेत मागेको छ ।
लामो सयमको लकडाउनपछि गत जेठ २० गतेदेखि साताको ६ दिन बैक सञ्चालन हुँदै आएको थियो ।
प्रतिक्रिया