विप्लव नेतृत्वको प्रतिबन्धित नेकपाका केन्द्रिय नेता तथा साहित्यकार अनिल शर्मा बिरही पक्राउ गरेको १२ घण्टा नबित्दै चितवन प्रहरीले सो पार्टीका अर्का नेतालाई चितवनबाटै गिरफ्तार गरेको छ ।

नेकपा चितवनका सेक्रेटरी विजय शर्मा नामले परिचित दुर्गा सुवेदीलाई मंगलबार (२३ वैशाख) साँझ पक्राउ गरेको उनको पारिवारिक श्रोतले जानकारी दिएको छ ।

बताइएअनुसार खाना खान घर पुगेका सुवेदीलाई सादा पोशाकका प्रहरीले पिछा गर्दै आएको र उनीहरुले नै समातेर लगेका हुन् । चितवन प्रहरीले सुवेदीलाई पक्राउ गरेको पुष्टि गरेको स्थानीय सञ्चारमाध्यमहरुले जनाएका छन् ।