प्रहरी नायव महानिरीक्षकबाट प्रहरी अतिरिक्त महानिरीक्षक (एआइजी) मा पदोन्नति हुनुभएका वरिष्ठ प्रहरी अधिकृतलाई प्रहरी महानिरीक्षक ठाकुरप्रसाद ज्ञवालीले दर्ज्यानी चिह्न प्रदान गर्नुभएको छ ।
आइजीपी ज्ञवालीले तारिणीप्रसाद लम्साल, शैलेश थापाक्षेत्री र हरिबहादुर पाललाई बुधबार (१२ चैत) एक समारोहबीच दज्र्यानी चिन्ह प्रदान गर्नुभएको हो । नेपाल सरकार (मन्त्रीपरिषद्) को २०७६ चैत ९ गतेको निर्णयअनुसार उहाँहरु प्रहरी नायव महानिरीक्षकबाट प्रहरी अतिरिक्त महानिरीक्षक पदमा पदोन्नति हुनुभएको थियो ।
उक्त अवसरमा प्रहरी महानिरीक्षक ज्ञवालीले प्रहरी अधिकृतहरुको मेहनत, लगनशीलता, इमानदारिता र प्रष्ट सेवाभावको कदर स्वरुप पदोन्नति भएको प्रसङ्ग जोड्दै सङ्गठनलाई थप चलायमान बनाउनेतर्फ लाग्न निर्देशन दिनुभयो ।
प्रतिक्रिया