१३औं दक्षिण एसियाली खेलकुद (साग) का स्वर्णविजेता खेलाडी सनिल शाही (पुरुष ६० केजी), भुपेन्द्र थापा (पुरुष ६४ केजी) तथा मिनु गुरुङ (महिला ५४ केजी) पुरस्कृत एवम् सम्मानित भएका छन् ।

स्वर्ण विजेतालाई नेपाल बक्सिङ संघका अध्यक्ष राम अवाले तथा नेपाल बक्सिङ संघका पूर्व अध्यक्ष विष्णुगोपाल श्रेष्ठले व्यक्तिगत रुपमा नगद पुरस्कार प्रदान गरेर सम्मान गरेका हुन् । खेलाडीलाई अवालेले जनही १ लाख ५० हजार तथा श्रेष्ठले जनही ५० हजार नगद पुरस्कार प्रदान गरेका छन् ।