सरकारद्वारा प्रतिबन्धित नेकपाका महाासचिव विप्लवद्वारा आफ्नो पार्टीका एक नेता गुणराज लोहनीलाई पार्टीका जिम्मेवारीहरुबाट मुक्त गरिएको भनी विज्ञप्तिमार्फत जानकारी गराइएको भोलिपल्टै नेकपाका नेता लोहनीलाई प्रहरीले नियन्त्रणमा लिएको छ ।
लोहनीलाई आज (५ कात्तिक) विहान चितवनबाट पक्राउ गरिएको प्रहरीले जनाएको छ। बुद्धिजीवी नेता भनेर समेत चिनिएका लोहनी नेकपाका केन्द्रीय सदस्य रहेका थिए । उनलाई स्वास्थ्य समस्याको कारण देखाउँदै जिम्मेवारीबाट मुक्त गरिएको विज्ञप्ति विप्लवले हिजो (४ कात्तिक) मात्रै जारी गरेका थिए।
पार्टीको आठौँ पूर्ण बैठकले लोहनीलाई जिम्मेवारीबाट मुक्त गर्ने निर्णय लिएको विप्लवको विज्ञप्तिमा जनाइएको छ । तर, यसरी पार्टीको जिम्मेवारीबाट एकाएक मुक्त गरिएका व्यक्तिलाई प्रहरीले किन पक्राउ गर्यो भन्ने जिज्ञासा पैदा भएको छ ।
प्रतिक्रिया