१५ मंसिर २०७७, सोमबार

ताचीकावामा नेपाल फेस्टिवल सम्पन्न

  प्रकाशित मिति
६ आश्विन २०७६, सोमबार ०८:५९


■ श्याम क्षेत्री, टोकियो

जापानको ताचीकावामा वार्षिक रुपमा हुँदै आएको नेपाल फेस्टिवल यो वर्ष पनि सम्पन्न भएको छ । जापान-नेपाल मैत्रीसंघ (जीनेफजी)ले आयोजना गरेको उक्त कार्यक्रममा नेपाललाई माया गर्ने ठूलो संख्याका जापानी तथा नेपालीहरुको सहभागिता रहेको थियो ।

चिरपरिचित जापानी गायिका आओइ सानोको साँगीतिक प्रस्तुती रहेको सो कार्यक्रममा नेपाली कलाकारहरुले नेपाली कला-सँस्कृति झल्कने नृत्य प्रस्तुत गरेका थिए । सो संस्थाले विभिन्न नेपाली गीत(संगीत तथा सँस्कृति झल्काउने कार्यक्रममार्फत जापानमा नेपाललाई चिनाउने कार्य गर्दै आइरहेको छ ।

सो अवसरमा जापानी नागरिक तोशिआकी इतोद्वारा निर्माण गरिएको चलचित्र कठपुतली प्रदर्शन गरिएको थियो । चलचित्रमा पुरातत्वको महत्व बारेमा प्रकाश पारिएको छ भने चलचित्र निर्माणको क्रममा आफुले नेपालीहरुको मित्रवत ब्यवहार देखेर साह्रै प्रभावित भएको उहाँले बताउनुभएको थियो ।

कार्यक्रममा पूर्व परराष्ट्र उपराज्यमन्त्री ओदावारा किओसीले आफु परराष्ट्र मन्त्रालयको जिम्मेवारीमा रहँदा नेपालको भ्रमण गर्ने अवसर मिलेको स्मरण गर्दै नेपाल-जापान सम्बन्धको विस्तारमा आफूले सक्दो सहयोग गर्ने बताउनुभयो ।

सो अवसरमा बोल्दै जेएनएफसीका अध्यक्ष ताकेमोतो ताकेसीले संस्थाको आर्थिक सहयोगमा हालसम्म नेपालका हजारौँ विपन्न परिवारका बालबालिकाहरुले शिक्षा प्राप्त गरेको बताउनुभयो । यसैगरी संस्थाका निर्देशक डा. माधवप्रसाद सेढाईंले नेपालको बारेमा परिचयात्मक जानकारीमुलक आफ्नो सामग्री प्रस्तुत गर्नुभएको थियो ।



प्रतिक्रिया दिनुहोस !
सम्बन्धित खबरहरु

लामो समय गृहयुद्दको चपेटामा परेको दक्षिण सुडानमा खटिएका नेपाली सेनाका शान्ति सैनिकहरूले सम्भावित ठूलो जातीय हिंसा नियन्त्रण गरेको छ ।

प्रहरीले एक महिलाको हराएको अठार तोला गरगहना र रु ३१ हजार ५०० फेला पारेर सम्बन्धित धनीलाई बुझाएको छ । महानगरीय

विशेष प्रतिनिधि, टोकियो (जापान) जापानमा अध्ययनका लागि आएका ७८ जना नेपाली विद्यार्थीले जापानको आवासीय अनुमति गुमाएका छन् । उनीहरुले अध्ययनको

नेपाली सेनाको सैन्य दर्जाको लिखित परीक्षा दिन खोज्ने नक्कली परीक्षार्थीलाई प्रहरीले पक्राउ गरेको छ । भीमदत्त नगरपालिका–४ स्थित कञ्चन विद्या