प्याब्सन मध्य क्षेत्रीय समिति (काठमाडौं)को आयोजनामा १०औं प्याब्सन मध्य क्षेत्रीय बास्केटबल प्रतियोगिता भदौ १३ गते शुक्रबारदेखि हुने भएको छ ।

प्रतियोगितामा समितिमा आबद्ध विभिन्न २५ विद्यालयका ५३ टिमको सहभागिता रहने आयोजित पत्रकार सम्मेलनमा समितिका अध्यक्ष गगनसिं ऐरले जानकारी गराए । सिनियर ब्वाइजमा २४, सिनियर गर्ल्समा १६ र जुनियर ब्वाइजमा १३ टिमले लिग कम नकआउट आधारमा प्रतिस्पर्धा गर्नेछन् ।

सिनियर ब्वाइजमा जेभियर र सिनियर गर्ल्समा द चाँदबाग डिफेन्डिङ च्याम्पियन हुन् । जुनियर ब्वाइज विधा पहिलो पटक समावेश गरिएको हो ।

प्रतियोगिता सञ्चालन गर्न करिव ३ लाख रुपैयाँ खर्च हुने कार्यक्रम संयोजक एवं अवेरनेस इन्टरनेसनल एकेडेमी (एआईए) का प्रिन्सिपल विष्णु अर्यालले जानकारी दिए ।

प्रतियोगिताका खेलहरु शंखमूलस्थित एआईएको कोर्टमा हुनेछ । समितिमा विभिन्न ६२ विद्यालय आबद्ध छन् । समितिमा आबद्ध विद्यालयमा पालैपालो हरेक वर्ष प्रतियोगिता हुँदै आएको छ । फाइनल भदौ २३ गते हुनेछ ।