लिःल फङ (घले समाज) केन्द्रीय सांस्कृतिक तथा कलाकार बिभागको दोस्रो बार्षिक साधारण सभा एक कार्यक्रमका बीच शनिबार काठमाडौंमा सम्पन्न भएको छ । यो बिभाग लिःल फङ (घले समाज) अन्तर्गतको हो ।

कार्यक्रममा लिःल फङ (घले समाज) का अध्यक्ष समेत रहेका प्रमुख अतिथी अधिवक्ता दिनेशकुमार घलेले शुभकामना दिदैं केन्द्रीय सांस्कृतिक तथा कलाकार बिभागले घले जातिको कला र संस्कृतिको जगेर्ना गर्नुपर्नेमा जोड दिए । उनले घले जातिको पहिचानलाई जिवन्त राख्न सबै लाग्नुपर्ने भन्दै घले जातिको कला संस्कृति जोगाउन आफैं अग्रसर हुनुपर्ने बताए ।

कार्यक्रममा धादिङ जिल्लाका पूर्व सांसद धन बहादुर घले, केन्द्रीय महासचिब डा. जितबहादुर घले, उपाधयक्ष धन बहादुर घले, कतारका अध्यक्ष आयुष घले र महिला बिभागका अध्यक्ष पबित्रा घले, लमजुङका अध्यक्ष विरसिंह घले लगायतले शुभकामना राख्दै घले जातिको कला संस्कृतिलाई जिवन्त दिन सबैको सहयोग र सहकार्यको खाँचो रहेको बताए ।

कलाकार बिभागका अध्यक्ष हिमाल घलेको अध्यक्षतामा भएको कार्यक्रममा संस्थाकी कोषाध्यक्ष प्रतीक्षा घलेले आर्थिक प्रतिवेदन प्रस्तुत गरेकी थिइन भने संस्थाका सचिब केन साप्री घलेले स्वागत मन्तब्य राखेका थिए ।

कलाकार बिभागकी महासचिब रिया घलेले संचालन गरेको कार्यक्रममा घलेहरुको कला संस्कृति झल्कने खालका मनोरनजनात्मक कार्यक्रम समेत भएको लिःल फङ घले समाज लमजुङका अध्यक्ष एवं समाजसेवी विरसिंह घलेले जानकारी दिए ।