लोकसभाको चुनाव २०१९ मा पार्टीले व्यहोरेको हारको जिम्मेवारी दिँदै गत मे २५ मा कंग्रेसको कार्यसमितिको बैठकमा अध्यक्ष पदबाट राजीनामा दिएका राहुल गान्धीले पार्टीले ढिलो नगरी नयाँ अध्यक्ष छान्नुपर्ने बताएका छन् । उनले अब आफू पार्टीको अध्यक्ष नरहेको भन्दै सो कुरा बताएका हुन् ।

पार्टीका वरिष्ठ नेताहरू राहुलको राजीनामाको विपक्षमा भएकाले त्यतिखेर उनको राजीनामा पार्टीले स्वीकार गरेको थिएन । उनीहरूले राहुललाई मनाउन सोनिया गान्धीसँग आग्रह गरेका भए पनि राहुल आफ्नो राजीनामामा अडिग रहेका छन् । सन् २०१७ मा कांग्रेसको अध्यक्ष बनेका राहुल हाल केरलाको वायनाडबाट सांसदसमेत रहेका छन् ।