नेप्सेमा १० अंकको गिरावट, लगानीकर्ता अन्योलमा

नेप्सेमा १० अंकको गिरावट, लगानीकर्ता अन्योलमा


लगातार ओरालो लाग्दै आएको धितोपत्र बजारमा आइतबार कारोबार मापक नेप्से परिसूचक ओरालो लागेको छ । आइतबार नेप्से १० दशमलव ०१ अंकले घटेर एक हजार २५४ दशमलव ३५ बिन्दुमा ओर्लिएसँगै लगानीकर्ता पनि अन्योलमा परेका छन् ।

यस्तै ठूला कम्पनीको सेयर कारोबार मापन गर्ने सेन्सेटिभ परिसूचक २ दशमलव ०१ अंकले घटी २६९ दशमलव ६० बिन्दुमा पुगेको छ । नेप्से परिसूचक ओरालो लागेसँगै कारोबार रकमसमेत घटेको छ । कुल १७२ कम्पनीको १५ लाख ७५ हजार ३४० कित्ता सेयर रु. ४८ करोड १८ लाख ५९ हजार कित्ता सेयर खरिद–बिक्री भए ।

नेपाल स्टक एक्सचेञ्जका अनुसार कारोबार भएका कुल ११ उपसमूहमध्ये तीन उपसमूहको सेयर वृद्धि भएको छ भने आठ उपसमूहको सेयर घटेको छ । विकास बैंक १ दशमलव ५१, वित्त शून्य दशमलव ०४ र सामूहिक लगानी कोष शून्य दशमलव ०३ अंकले बढेको छ । यस्तै बैंकिङ ६ दशमलव ९२, होटेल १४ दशमलव ६८, जलविद्युत १३ दशमलव ३३, जीवन बिमा ८५ दशमलव २७, उत्पादन २९ दशमलव १, अन्य ७ दशमलव ९६, लघुवित्त १५ दशमलव ०५ र जीवन बिमा ७३ दशमलव ८८ अंकले घटेको छ ।

स्टकका अनुसार आइतबार कारोबारका आधारमा लक्ष्मी बैंक शीर्ष स्थानमा छ । सो बैंकको रु. चार करोड १० लाख एक हजार ३७५ मूल्यमा सेयर खरिद–बिक्री भए । यस्तै डिप्रोक्स लघुवित्त वित्तीय संस्था रु. दुई करोड ३२ लाख ७७ हजार, चिलिमे जलविद्युत् कम्पनी रु. दुई करोड २८ लाख ६३ हजार, सिभिल बैंकको संस्थापक सेयर रु. दुई करोड २३ लाख ८५ हजार, नेपाल बैंक रु. दुई करोड २३ लाख ३७ हजार र नेपाल इन्भेस्टमेन्ट बैंकको संस्थापक सेयर रु. एक करोड ९७ लाख १० हजारबराबरको कारोबार भई शीर्ष स्थानमा रहेका छन् ।

घटेको बजारमा गुराँस लघुवित्त वित्तीय संस्थाका शेयरधनीले ९ दशमलव ९३ प्रतिशतले कमाए । त्यस्तै गणपति माइक्रोफाइनान्स वित्तीय संस्था ९ दशमलव ८२, जनउत्थान सामुदायिक लघुवित्त विकास बैंक ८ दशमलव ५९, नेपाल एग्रो लघुवित्त वित्तीय संस्था ४ दशमलव ९८, मितेरी डेभलपमेन्ट बैंक २ दशमलव ७८ र सूर्योदय लघुवित्त वित्तीय संस्थाका सेयरधनीले १ दशमलव ९७ प्रतिशतले कमाए ।

स्टकका अनुसार स्वदेशी लघुवित्त वित्तीय संस्था ६ दशमलव ५५, शिखर इन्सुरेन्स कम्पनी ६ दशमलव ४५, सिभिल बैंक लिमिटेडको संस्थापक सेयर ५ दशमलव १२, नयाँ नेपाल लघुवित्त विकास बैंक ५ प्रतिशत र पाँचथर पावर कम्पनीका सेयरधनीले ४ दशमलव ७९ प्रतिशतले गुमाए ।