पटक–पटक पेट्रोलियम पदार्थको मूल्यवृद्धि गरेको विरोधमा नेपाल विद्यार्थी सङ्घले आज साँझ मसाल जुलुस प्रदर्शन गरेको छ । मूल्यवृद्धि अवैज्ञानिक भएको र यसको विरोध कतैबाट नगरिएको भन्दै आमतप्काबाट विद्यार्थी संगठनहरुको आलोचना हुँदै आएको छ । यही परिवेशमा करिव ६ दर्जन नेवि सङ्घसमर्थित विद्यार्थीहरूले राजधानीको भृकुटीमण्डप (प्रदर्शनीमार्ग)मा मसाल जुलुस निकालेका हुन् ।

एकाएक मसाल जुलुससहित प्रकट भएका विद्यर्थीहरू एकैछिन महँगीविरुद्ध नारा लगाउँदै तत्काल पेट्रोलियम पदार्थको मूल्य घटाउनुपर्ने माग गर्दै तितरवितर भएका थिए ।