नारायणटारमा एनसीसी बैंकको शाखा

1 Shares

नेपाल क्रेडिट एण्ड कमर्स बैंक लि.कोे काठमाडौंको गोकर्णेश्वर नगरपालिका–६, नारायणटार (जोरपाटी)मा सञ्चालित शाखा कार्यालयको एक कार्यक्रमकाबीच गोकर्णेश्वर नगरपालिकाका प्रमुख सन्तोष चालिसेले उदघाटन गरेका छन् । शाखा उदघाटन गर्दै नगरप्रमुख चालिसेले यस क्षेत्रमा अन्य बैंकहरूको पनि उपस्थिति रहेको र एनसीसी बैंकले प्रतिष्पर्धी रुपमा सहज र गुणस्तरीय सेवा पुऱ्याउनुका साथै उक्त कार्यमा आफ्नो तर्फबाट सहयोग रहने भन्दै शुभकामना व्यक्त गरे ।

सो अवरसमा सोही नगरपालिकाका वडा नंं ५, ६ र ७ का वडाध्यक्षहरू क्रमशः नारायण सुवेदी, रमेश अर्याल र केशव गुरुङले एनसीसी बैंकले यस क्षेत्रको समग्र आर्थिक गतिविधिलाई बैंकिङ प्रणालीमा समावेश गर्दै सेवा पु¥याउन सफल हुनेछ भन्दै शुभकामना व्यक्त गरे ।

लायन्स क्लबका व्यक्तित्वहरू अनन्तप्रसाद भेटवाल र कुमार सुवेदी एवं चामुण्डा माध्यमिक विद्यालयका प्राचार्य यादव प्रसाद पौडेलले समेत शुभकामना व्यक्त गरेको कार्यक्रममा बैंकका प्रमुख कार्यकारी अधिकृत रमेशराज अर्यालले आफू पनि यसै क्षेत्रको वासिन्दा भएको र जनप्रतिनिधिहरूबाट समेत सहयोगको अपेक्षासहित यस क्षेत्रमा स्थापित शाखाको पहिचान वनाउने कुरामा आफू विश्वस्त रहेको विचार राखे ।

कार्यक्रमका अध्यक्ष एवं एनसीसी बैंक सञ्चालक समितिका अध्यक्ष उपेन्द्र केशरी न्यौपानेले यस क्षेत्रका जनप्रतिनिधिहरूको सहयोग र शुभेच्छा व्यक्त गरे अनुरुप यो शाखा बैंकका शाखाहरू मध्ये १ नं शाखाका रुपमा स्थापित हुने कुरामा थप हौसला मिलेको विचार व्यक्त गरे ।

1 Shares

प्रतिक्रिया