अनशनको दबाबमा तयार गरी सरकारद्वारा अध्यादेश मार्फत जारी ‘राष्ट्रिय चिकित्सा शिक्षा विधेयक प्रति सरोकारवालाहरुले आपत्ति जनाएका छन् ।

राजधानीमा स्वास्थ्य क्षेत्रमा क्रियाशिल सङ्घ संस्थाहरुको सयुक्त सङ्घर्ष समितिद्वारा आयोजित अन्तरक्रियात्मक कार्यक्रमका बक्ताहरुले जारी विधेयक संशोधन नभइ खारेज हुनुपर्ने विचार प्रकट गरे ।

पूर्व महान्यायाधिवक्ता एवंम ख्यातिप्राप्त कानूनविद् डा. युवराज सङ्ग्रौलाले जारी चिकित्सा विधेयकले स्वाथ्य क्षेत्रका समस्या समाधान नगरी यस क्षेत्रलाई थप बर्बाद गर्ने सम्भावना देखिएको बताउनुभयो ।

उहाँले स्वदेशीलाई निषेध गरेर विदेशीलाई मात्र मेडिकल शिक्षामा लगानीको निश्चितता दिने काम विधेयकले गरेको स्पष्ट पार्दै यस्तो सोच राष्ट्रिय हित प्रतिकुल हुने बताउनुभयो ।

अर्का बक्ता डा. रामप्रसाद उप्रेतीले वरिपरि नर्श, डाक्टर र नशाबाट खानेकुरा लिएर अस्पताल भित्रै अनशन बस्ने व्यवस्था मिलाउने हो भने चौध होइन आफू सय पटक पनि अनशन बस्न सक्छु भन्दै अनशन फोविया भएर गरेको अध्यादेश जारी भएको आरोप लगाउनुभयो ।

डा. उप्रेतीले भन्नुभयो,‘जारी स्वास्थ्य क्षेत्रलाई शुद्ध समृद्ध र स्वाथ्य बनाउन सक्दैन, बरु यसले विकृति थपेको छ । यो अध्यादेश तन्नम नै हो ।’