मकवानपुर फाखेलमा सनराइजको शाखारहित बैंकिङ सेवा

1 Shares

मुलुकका विभिन्न स्थानमा शाखारहित बैंकिङ सेवा पुर्याउने उद्देश्यका साथ सनराइज बैंक लि.ले मकवानपुर जिल्लाको इन्द्रसरोवर गाँउपालिका–४, फाखेलमा नयाँ सेवा शुरू गरेको छ । उक्त शाखारहित बैंकिङ सेवाको उद्घाटन इन्द्रसरोवर गाँउपालिका अध्यक्ष जीवन लामाले मंगलबार एक समारोहका बीच गरेका छन् ।

सेवा आरम्भको अवसरमा शाखारहित बैंकिङ सेवाको एजेन्ट÷प्रतिनिधि धनबीर स्याङतानलाई पोइन्ट अफ सेल मेसिन जीवन लामा र बैंकको फर्पिङ शाखाका प्रवन्धक गोेबिन्द महर्जनले संयुक्त रुपमा हस्तान्तरण गरेका थिए । साथै, बैंकको फर्पिङ शाखाका प्रबन्धक गोविन्द महर्जनले शाखारहित बैंकिङ सेवा प्रदान गर्नुको उद्देय प्रष्ट पारेका थिए । उक्त पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ सेवाअन्तर्गत एटिएम कार्ड मार्फत कारोबार गर्न सकिने बैंकले जनाएको छ ।

यो संगसंगै बैंकको कुल शाखारहित बैंकिङ सेवा संख्या १८ पुगेको छ र बैंकिङ सेवा नपुगेका ग्रामीण क्षेत्रका जनतालाई बैंकिङ सेवा शाखारहित बैंकिङ सेवामार्फत उपलब्ध गराउँदै जाने लक्ष्य बैंकले लिएको समेत जनाएको छ ।

1 Shares

प्रतिक्रिया