अमेरिकाको पोर्टल्यान्डमा रहेको इन्टरनेशनल ओपन फ्रेन्डशिप तेक्वान्दो च्याम्पियनशीप (आइओएफटीसी) ले दुवै मुगौला फेल भएका गायक तथा संगीतकार पूर्ण गुरुङलाई मृगौला ट्रान्सफर गर्न आर्थिक सहयोग प्रदान गरेको छ ।
आइओएफटीसीका प्रतियोगिता डाइरेक्टरमार्फत प्राप्त भएको १ लाख २ हजार नेपाल पारा तेक्वान्दो संघका अध्यक्ष जनार्जन ढुंगेलले प्रदान गरेका थिए । ढुंगेलले शिक्षण अस्पतालमा पुगेर विरामीलाई रकम हस्तान्तरण गरेका थिए ।
त्यसैगरि युयुएनटीएफबाट प्राप्त ३५ हजारसमेत गुरुङलाई प्रदान गरिएको ढुंगेलले बताए । ‘इन्द्रेणी कार्यक्रममार्फत सहयोगका लागि अपिल भएको थाहा पाएपछि विदेशबाट सहयोग गर्नेहरु बढेका छन्’ ढुंगेलले भने । ‘हामी दाताले दिएको रकम सदुपयोग होस् भनेर लागिरहेका छौँ । पुर्ण गुरुङ बचाउन अभियानमा हाम्रो सहयोग र समर्थन रहिरहने छ ।’
प्रतिक्रिया