नेपाल भारोत्तोलन संघको आयोजनामा युथ तथा जुनियर एसियन महिला तथा पुरुष भारोत्तोलन प्रतियोगिता 19th Youth Asian, 24th Junior Women’s, 31st Junior Men’s Asian Weightlifting Championships 2017 काठमाडौंमा आयोजना भइरहेछ । साउन ६ देखि सुरु भएको प्रतियोगिता १४ गतेसम्म चल्ने छ ।
उक्त प्रतियोगितामा साउथ एसिया, इस्ट एसिया, मिडल इस्ट एसिया, सेन्ट्रल एसियाबाट ३३ राष्ट्रका ५ सयजना पुरुष तथा महिला खेलाडी, प्रविधिक, अफिसियल, व्यवस्थापक, प्रशिक्षकहरुको सहभागिता रहने बताइएकोे छ ।
विश्व भारोत्तोलनको मानचित्रमा भारोत्तोलन खेलका पावर हाउस मानिने महादेश एसिया नै भएको हुनाले विश्व च्याम्पियन, ओलम्पिक च्याम्पियन जस्ता खेलाडी उक्त प्रतियोगितामा सहभागि हुने आयोजकले जानकारी गराएको छ ।
उक्त प्रतियोगिताबाट युथ तथा जुनियरतर्फको नयाँ विश्व किर्तिमान तथा एसियन किर्तिमान कायम हुने सम्भावना पनि रहेको छ । प्रतियोगिता नेपालले आयोजना गर्न पाउनु आफैमा गौरव र प्रतिष्ठाको विषय बनेको संघका अध्यक्ष रतन टण्डनले जानकारी गराएका छन् । टण्डनले नेपाली खेलकुद इतिहासमा आधिकारिक रुपले यो नै हालसम्मको सर्वाधिक ठुलो र प्रतिष्ठित प्रतियोगिता हो ।
प्रतिक्रिया