लकडाउनपीडितलाई नेपाल ताइवान एसोसिएसनको राहत

नेपाल ताइवान एसोसिएसन नामक सामाजिक संस्थाले काठमाडौं महानगरका विभिन्न भित्री टोल एवम् वडामा बसोबास गर्ने लकडाउनपीडित वासिन्दालाई राहत सहयोग उपलब्ध गराएको छ । ‘जहाँ समस्या त्यहाँ मनकारी सहयोग’ भन्ने धारणालाई व्यवहारमा उतार्दै सो संस्थाले राहत उपलब्ध गराएको हो ।



मुलुकमा बढ्दो कोभिड–१९ संक्रमणको उच्च जोखिमसँगै सरकारले जारी गरेको बन्दाबन्दी दुई महिना पुगेको छ । यसबीचमा दैनिक ज्यालादारी गर्ने मजदूरलगायत विपन्न तप्काका विभिन्न सहयोगापेक्षीलाई भोजनको जरुरत परिरहेको छ । यसैलाई मध्यनजर गर्दै भोकालाई भोजन भन्ने मूल अभीष्टसहित नेपाल ताइवान एसोसिएसनले राहत उपलब्ध गराएको संस्थाका अध्यक्ष राजु गुरुङले जानकारी दिए ।

लकडाउनपीडितका लागि मात्र नभई अनेक प्राकृतिक विपत्तिको समयमा र अन्य विभिन्न सामाजिक अभियानमा समेत सहयोग उपलब्ध गराउँदै आएको उक्त संस्थाले आफ्नो अलग पहिचान बनाइसकेको छ । निःस्वार्थ सेवाका कार्यलाई अघि बढाउन संस्थाले नेपाल च्याप्टर गठन गर्ने तयारी गरिरहेको सम्बद्ध अभियन्ताहरूले बताएका छन् ।

राजु गुरुङ अध्यक्ष रहेका एसोसिएसनमा राजेश श्रेष्ठ र राम पाण्डे उपाध्यक्ष रहेका छन् भने कार्यसमित सदस्यहरूमा समीर मानन्धर, रामेश्वर दाहाल, सूर्य जैसी, कर्मा डिनभुप, मिङमा शेर्पा, देव गुरुङ, शंकर महर्जन र प्रदीप श्रेष्ठ रहेका छन् । यस्तै, नेपालका लागि संयोजकको जिम्मेवारी सुवोध प्रधानले निर्वाह गर्दै आएका छन् । स्थानीय जागरुक अभियन्ताहरू केदारमान सिङ, नेमेन्द्र प्रधान, निर्मल श्रेष्ठ, प्रवीण श्रेष्ठसमेत जुटेर गत बुधवार कामपा वडा न १३ स्थित खुसिवयलमा पचासभन्दा बढि लकडाउनपीडितलाई राहत वितरण गरिएको हो ।

प्रतिक्रिया