मनसुन न्यून चापिय रेखा दक्षिण सर्दै गएकोले अब धेरै पानी नपर्ने मौसमविद्हरुले बतनाएका छन् । न्यून चापिय रेखा नेपालबाट विस्तारै दक्षिण सर्दै गएकोले त्यसले अब धेरै पानी पर्ने क्रम रोकिने भएको हो ।

विगत केही दिन यता देशका विभिन्न स्थानमा अबिरल वर्षाका कारण जनजीवन प्रभावित पारेको छ । वर्षाकै कारण देशका विभिन्न ठाँउमा बाढी, पहिरो एवं डुबानको समस्या देखिएको छ भने ठूलो धनजनको क्षति नागरिकहरुले भोग्नुपरेको छ ।

मनसुनको सक्रियता कम हुँदै गएपनि देशका अधिंकास स्थानमा केही भारी एवं मध्यम वर्षाको सम्भावना रहेको मौसम पूर्वानुमान महाशाखाले जनाएको छ । महाशाखाले मनसु्न न्यून चापिय रेखा नेपालको तराई भू–भागमा भन्दा केहि तल रहेका कारण मनसुनी गतिविधि देशभर कम भएकोे महाशाखाले जनाएको छ ।

अहिले देशका अधिकांश स्थानमा सामान्यदेखि पूर्ण बदलिको अवस्थामा छ । पश्चिमी भू–भाग, मध्य भू–भागका तथा पूर्वी भू–भागका केहि स्थानहरुमा मनसूनी वर्ष भइरहेको महाशाखाले जनाएको छ । मौसमविद्ले पनि वर्षा भइरहेकोले जोखिमबाट सावधानी अपनाउन समेत आग्रह गरेका छन् ।

आगामी दुई दिनको मौसमी अवस्था
असार ३१ गते (मंगलबार)

दिउँसोस् देशभर आंशिकदेखि सामान्य वदलि रही केहि स्थानहरूमा वर्षा हुने सम्भावना छ । देशको मध्य र पश्चिमका क्षेत्रका एक वा दुइ स्थानमा भारी वर्षाको सम्भावना छ ।
यस्तै, आज राति देशभर सामान्य वदलि रही देशका केहि स्थानहरूमा वर्षा हुने सम्भावना छ । देशको पूर्वी तथा पश्चिमी क्षेत्रका एक वा दुइ स्थानमा भारी वर्षा हुने सम्भावना छ रहेको महाशाखाले जनाएको छ ।

श्रावन १ गते (बुधबार)

श्रावण १ गते अर्थात बुधबार दिउँसो देशभर आंशिकदेखि सामान्य वदलि रही केहि स्थानहरूमा वर्षा हुने सम्भावना रहेको छ भने भोलि राति देशभर सामान्य वदलि रही देशका केहि स्थानहरूमा वर्षा हुने सम्भावना रहेको मौसमविद्को तर्क छ । देशको पूर्वी क्षेत्रका एक वा दुइ स्थानमा भारि वर्षा हुने सम्भावना छ ।