नेपाल विद्युत प्राधिकरणको साढे १५ अर्ब रुपैयाँ विद्युत महसुल बक्यौता उठ्न बाँकी रहेको महालेखापरीक्षकको कार्यालयले ठहर गरेको छ । महालेखापरीक्षकको कार्यालयको ५६औं वार्षिक प्रतिवेदनले यतिक बक्यौता उठ्न बाँकी रहेको देखाएको हो ।
गत आर्थिक वर्ष २०७४/७५ मा प्राधिकरणको विद्युत महसुल बक्यौता १४.४४ प्रतिशतले बढेको महालेखापरीक्षकको कार्यालयले जनाएको छ । प्रतिवेदनका अनुसार प्राधिकरणले सबै ग्राहकबाट १५ अर्ब ५४ करोड ६९ लाख रुपैयाँ उठाउन बाँकी देखिएको हो । उठ्न बाँकीमध्ये साढे ४ अर्ब रुपैयाँ सडक बत्तीको बक्यौता छ । देशभरका महानगर, उप–महानगर, नगर र गाउँपालिकाले सडक बत्तीको विद्युत बक्यौता बुझाएका छैनन् ।
विगतमा उठाउन बाँकीमध्ये ५६ करोड ७० लाख रुपैयाँ बराबरको जिम्मेवारी अन्यत्र सारेको प्रतिवेदनमा औल्याइएको छ । प्राधिकरणको वितरण तथा ग्राहक सेवा निर्देशनालयले कालो सूचीमा परेका ग्राहकबाट उठाउनु पर्ने बाँकी बक्यौताको छुट्टै विवरण नराखेको पनि प्रतिवेदनमा जनाइएको छ । कालो सूचीमा परेका र लामो समय महसुल नबुझाएका ग्राहकको बक्यौताको सूची नछुट्याउँदा पहिचान गर्न कठिन भएको महालेखाको टिप्पणी छ ।
प्रतिक्रिया