कान्तिपुर पब्लिकेसन्स प्रालिको ‘कान्तिपुरको स्वर्णपुर २’ ग्राहक योजनाको बम्पर पुरस्कारअन्तर्गतको एक किलो सुन पृथ्वी राजमार्ग बस सञ्चालक समितिले प्राप्त गरेको छ । समितिको वीरगञ्ज शाखा कार्यालयलाई एक किलो सुनको बम्पर पुरस्कार परेको हो ।

समितिले बम्पर पुरस्कारवापत प्राप्त एक किलो सुनबाट एम्बुलेन्स खरिद गर्ने भएको छ । उक्त सुनको रकमबाट समितिले एम्बुलेन्स खरीद प्रक्रिया अघि बढाएको समितिका अध्यक्ष एनकुमार साईले जानकारी दिएका छन् । आगामी नयाँ वर्ष २०७६ भित्र एम्बुलेन्स सञ्चालनमा ल्याइने उनले बताए ।

सो समितिमार्फत् देशका विभिन्न स्थानमा एक हजार ३७८ बसले यातायात सेवा दिँदै आएका छन् ।