स्वचालित कार उत्पादन गर्न सात हजार कर्मचारी हटाउँदै भक्सवागन

2 Shares

जर्मनीको कार निर्माता कम्पनी भक्सवागनले आगामी सन् २०२३ भित्रमा कम्पनीमा कार्यरत करिब सात हजार कर्मचारी कटौती गर्ने जनाएको छ । विद्युतीय कार उत्पादनमा आफूलाई रुपान्तरण गर्ने उद्देश्यले सो कम्पनीले कर्मचारी कटौती गर्न लागेको हो ।

कटौतीमा पर्ने कामदार कर्मचारीलाई कम्पनीले अवकाश सुविधाको अवसर प्रदान गरिने जनाएको छ । भक्सवागनले दीगो प्रतिस्पर्धात्मक क्षमता निर्माण गर्न पनि कर्मचारी कटौती गर्नुपरेको स्पष्ट गरेको छ । सन् २०२३ सम्ममा प्रतिवर्ष करिब ६ अर्ब यूरो बचत गर्ने कम्पनीको योजना बमोजिम कर्मचारी कटौती गर्न लागिएको हो ।

यसैबीच, जर्मनीको उल्फ्सबर्गस्थित भक्सवागनले ब्याट्रीबाट चल्ने कार र स्वचालित कार उत्पादनमा लगानी वृद्धि गर्ने योजना अघि सारेको छ । कम्पनीले नोभेम्बरमा घोषणा गरिएको ११ अर्ब यूरोबाट झण्डै १९ अर्ब यूरो पुऱ्याउने लक्ष्य राखेको छ ।

2 Shares

प्रतिक्रिया