विमान खरिद–बिक्री गर्ने एसएमबीसी एभिएसन क्यापिटलले फ्रान्सस्थित एयरबस कम्पनीसँग ए ३२० नियो सिरिजका ६५ वटा विमान खरिद गर्न लागेको एयरबस कम्पनीले जनाएको छ । उक्त विमानको मूल्य ७ अर्ब ४७ करोड डलर रहेको छ ।
डब्लिनस्थित उक्त एसएमबीएसी कम्पनीले गत वर्ष ७१ थान एयरबस खरिद गरेको थियो । ठूलो संख्यामा विमान खरिद गर्न लागेकाले बिक्री मूल्यमा कमी आउने कम्पनीले जनाएको छ ।
विश्वकै ठूलो विमान खरिद–बिक्री र लिजमा विमान दिने एसएमबीसी कम्पनी जापानी कम्पनीहरूको साझेदारीमा स्थापना भएको हो ।
गत जनवरी ३ मा एयरबस कम्पनीले अमेरिकी एयरलाइन्स जेटब्लूलाई ११ अर्ब अमेरिकी डलरमा १२० थान ए २२०–३०० सिरिजका विमानहरु बिक्री गर्न लागेको जनाएको थियो ।
विश्वका दुई ठूला विमान कम्पनी एयरबस र बोइङबीच विश्व बजारमा आधिपत्य रहँदै आएको छ । सन् २०१८ मा एयरबसले ८०० वटा व्यावसायिक विमान बिक्री गरेको थियो भने बोइङले ८०६ वटा विमान बिक्री गरेको थियो ।
प्रतिक्रिया