राष्ट्रिय तेक्वान्दो संघ नेपालका सचिव तथा चर्चित मार्शल आर्टस प्रशिक्षक राकेशकुमार राईमाथि आक्रमणकारी लुटेरा गोपाल दयाल (सर्लाही) ले सांघातिक हमला गर्दा उनी सामान्य घाइते भएका छन् । आक्रमणकारी दयालको चक्कु खोस्दा राईको हातमा सामान्य चोट लागेको छ । राईमाथि माघ २ गते लगनखेलको पाटन अस्पतालनजिकै दयालले हमला हमला गरेका हुन् ।

माघ २ गते काम विशेषले लगनखेल पुगेका राई पाटन अस्पतालनजिकै रहेको इन्भेष्टमेन्ट बैंकको एटीएमबाट रकम निकाल्ने क्रममा उनीमाथि आक्रमण भएको थियो । राईमाथि ७ बजेर ५० मिनेटमा एटीएमभित्रै पसेर गोपाल दयालले चक्कुद्वारा आक्रमण गरेको राईले जानकारी गराएका छन् ।

पैसा लुट्ने उद्देश्यले दयालले चक्कुद्वारा आक्रमण गरे पनि राई दयाललाई नियन्त्रणमा लिन सफल भएका थिए । त्यसपछि उनले आक्रमणकारीलाई लगनखेल महानगरीय प्रहरी परिसरमा बुझाएका थिए । अहिले आक्रमणकारी दयाल प्रहरी हिरासतमा रहेका छन् ।