केही दिनअघि पक्राउ गरी हिरासतमा राखिएका विप्लव नेतृत्वको नेकपाका प्रवक्ता प्रकाण्डलाई अदालतसमक्ष प्रस्तुत गर्न सर्वोच्च अदालतले सरकारका नाममा कारण देखाऊ आदेश जारी गरेको छ ।
सरकार तथा गृहमन्त्रालयलाई विपक्षी बनाई प्रकाण्डका छोरा नरेन्द्रबहादुर सिंह बिश्वकर्माद्वारा दायर गरिएको मुद्दामा सर्वोच्च अदालतका कामु प्रधानन्यायाधीश ओमप्रकाश मिश्रको एकल इजलासले बन्दीप्रत्यक्षीकरणको आदेश जारी गरेको हो ।
निवेदकका तर्फबाट वरिष्ठ अधिवक्ताहरू गोविन्द गौतम, शेरबहादुर केसी, विश्वप्रकाश भण्डारी, एकराज भण्डारी, यदुनाथ खनाल, श्रीहरि फुयाँलका साथै अधिवक्ताहरू कपिलचन्द्र पोखरेल, राजु अधिकारी, कान्तिराम ढुंगाना, नरबहादुर खड्का, सागर बगाले, नारायण तिवारी र राजदेव अधिकारीले बहस गरेका थिए ।
आज (सोमबार) जारी सर्वोच्चको आदेशमा भनिएको छ– ‘… निवेदनको मागबमोजिमको आदेश किन हुनु नपर्ने हो ? आदेश जारी हुन नपर्ने भए आधार कारणसहित यो आदेश प्राप्त भएका मितिले बाटाका म्यादबाहेक महान्यायाधिवक्ताको कार्यालयमार्फत ४८ घण्टाभित्र बन्दीसहित लिखित जवाफ पेश गर्नु भनी यो आदेश र रिट निवेदकको प्रतिलिपि साथै राखी विपक्षीहरूका नाममा म्याद सूचना पठाई म्यादभित्र लिखित जवाफ परे वा अवधि नाघेपछि नियमानुसार पेश गर्नु ।’
सर्वोच्चको आदेश पत्र जस्ताको तस्तै :
प्रतिक्रिया