अष्ट्रेलियाका धनाढ्यको सूचीमा गैरआवासीय नेपालीहरूको संगठन एनआरएनका पूर्व अध्यक्ष शेष घले ८१ औँ स्थानमा परेका छन् । घले र उनकी पत्नी जमुना गुरुङको सम्पत्ति एक वर्षमा २३ करोड डलरले बढेको हो ।

फाइनान्सियल रिभ्युका अनुसार घले दम्पतीको कुल सम्पत्ति ८७ करोड ६० लाख डलर रहेको छ । गत वर्ष उनीहरुको कुल सम्पत्ति ६४ करोड ७० लाख डलर थियो भने धनाढ्यको सूचीमा १०१ औं स्थानमा थिए । तर यसपटक भने घले दम्पतीको २३ करोड डलर सम्पत्ति थपिएको हो । यो वृद्धिसँगै उनिहरु ८१ औँ नम्बरमा उक्लिन सफल भएका हुन् ।

धनाढ्यहरुको सूची प्रकाशन गर्दै आइरहेको अष्ट्रेलियाको साप्ताहिक म्यागजिन बिजनेस रिभ्यु विक्ली (बीआरडब्लू) ले बिहीबार सन् २०१८ का सबैभन्दा धनाढ्य २ सय व्यक्तिको सूची प्रकाशित गरेको थियो । सूचीको एक नम्बरमा एन्थोनी प्य्राट्ट एण्ड फेमिली रहेका छन् भने दोस्रो नम्बरमा ह्यारी ट्रिगबफ छन् ।

यी हुन् अस्ट्रेलियाका टप टेन धनाढ्यः