२ जेष्ठ २०७८, आईतवार

सैन्य वेस क्याम्प स्थापना नगरेको नेकपाको प्रष्टोक्ति

  प्रकाशित मिति
८ बैशाख २०७५, शनिबार १७:५०


विप्लव नेतृत्वको नेपाल कम्युनिष्ट पार्टीले सैन्य बेस क्याम्प स्थापना गरेको भन्ने समाचार कतिपय मिडियाले प्रकाशित गरेपछि सो पार्टीले त्यसको खण्डन गरेको छ । क्याम्प सञ्चालन गरेको भन्ने खबर कुनै खास नियतवश फैलाइएको हुन सक्ने भन्दै नेपाल कम्युनिस्ट पार्टीले कुनै पनि ठाउँमा सैन्य बेस क्याम्प नबनाएको स्पष्ट पारेको हो ।

सो पार्टीका पूर्वी कमाण्ड इन्चार्ज विरहीले आफ्नो पार्टी देशब्यापी रुपमा राजनैतिक जनजागरण र संगठन सुदृढिकरणमा लागेको तर कुनै सैन्य गतिविधि नगरेको जनाएका छन् । केही अनलाइन पोर्टलमा प्रहरीको हवाला दिँदै विप्लव नेतृत्वको नेपाल कम्युनिस्ट पार्टीले सिन्धुलीको हरिहरपुरगढी गाँउपालिकामा सैन्य बेस क्याम्प सञ्चालन गरेको ब्यहोराका समाचार प्रसारण गरेका थिए । सोही विषयमा प्रतिक्रिया दिँदै पूर्वी कमाण्ड इन्चार्ज नेता विरहीले आफ्नो पार्टी विभिन्न जनवर्गीय संगठनका भेला सम्मेलनमा लागिरहेको तर सैन्य गतिविधिमा नलागेको दाबी गरेका हुन् ।

यसै विषयमा नेकपाका जनकपुर ब्युरो सदस्य राजु कार्कीले पनि आफ्नो पार्टीले कुनै सैन्य गतिविधि नगरेको प्रष्ट्याएका छन् । नेकपाले सामुहिक समाजघर बनाउने योजना बनाएको तर सैन्य गतिविधिको सोच नबनाएको दाबी गर्दै उनले विनाकारण पक्राउ गरिएका आफ्ना नेता कार्यकर्ताहरुलाई झुटा मुद्दामा फसाउनको लागि हातहतियार सहित विप्लवका कार्यकर्ता पक्राउ गरेको भन्ने प्रचार गरेको तर्क गरे ।

यसै क्रममा उनले आफ्नो पार्टीका राजन र पुर्णबहादुर भुजेललाई प्रहरीले पक्राउ गरेको जानकारी पनि दिए । उनीहरु दुवैलाई पैदल यात्राका क्रममा र्लाहीको बाग्मति नपा वडा नं. १ बाट शुक्रबार प्रहरीले पक्राउ गरेको बताइएको छ । राजन नेकपाका सर्लाही सेक्रेटरी हुन् भने भुजेल विद्यार्थी हुन् ।



प्रतिक्रिया दिनुहोस !
सम्बन्धित खबरहरु

प्रधानमन्त्री केपी शर्मा ओलीले पछिल्लोपटक लिएको पद तथा गोपनीयताको शपथबारे स्पष्ट गर्न र गैरसांसदलाई मन्त्री बनाउने काम बदर गर्न माग

कोरोना भाइरसको नयाँ भेरियन्टसहितको दोस्रो लहरका कारण महामारी पछिल्लो समय ज्यान गुमाउनेहरूको सङ्ख्या दिन प्रतिदिन बढ्दै गएको छ । भारतसँग

नेपालमा पछिल्लो २४ घण्टामा कोरोना संक्रमणका कारण १४५ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आइतबार ७३६८

भारतको उत्तर प्रदेशका प्रहरीहरु अहिले गङ्गा नदीका किनारामा बालुवाले अलिअलि छोपछाप पारिएका शवको अनुसन्धान गर्न खटिएको छ । कोरोना भाइरसको